រាជធានីភ្នំពេញ៖ នាព្រឹក ថ្ងៃទី២១ ខែកញ្ញា ឆ្នាំ២០២៦ នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្ដមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានដឹកនាំប្រតិភូនាយទាហានជាន់ខ្ពស់ និងមន្ត្រីជំនាញពាក់ព័ន្ធជាច្រើនរូប ចូលរួមក្នុងកិច្ចប្រជុំផ្សព្វផ្សាយស្ដីពី «ការត្រៀមរៀបចំអនុវត្តច្បាប់កាតព្វកិច្ចយោធា» តាមប្រព័ន្ធវីដេអូសន្និសីទ (Video Conference)។
កិច្ចប្រជុំដ៏មានសារសំខាន់នេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ដោយមានការចូលរួមយ៉ាងផុសផុលពីសំណាក់ លោកមេបញ្ជាការរង លោកនាយសេនាធិការរង ប្រធានមន្ទីរទាំង៧ នាយការិយាល័យជំនាញ ព្រមទាំងមេបញ្ជាការមូលដ្ឋានកងរាជអាវុធហត្ថខណ្ឌទាំង១៤ ទូទាំងរាជធានីភ្នំពេញ។
ពិធីផ្សព្វផ្សាយនេះ រៀបចំឡើងក្នុងគោលបំណងពង្រឹងការយល់ដឹង ជំរុញស្មារតីទទួលខុសត្រូវ និងរៀបចំផែនការសកម្មភាពជាក់ស្តែង ដើម្បធានាឱ្យការអនុវត្តច្បាប់ស្តីពីកាតព្វកិច្ចយោធានៅពេលខាងមុខ ប្រព្រឹត្តទៅដោយរលូន មានប្រសិទ្ធភាពខ្ពស់ និងស្របតាមគោលការណ៍ច្បាប់របស់រាជរដ្ឋាភិបាល៕
