ខេត្តស្វាយរៀង៖អតីតកាស៊ីណូមួយកន្លែងគ្មានស្លាកយីហោដែលត្រូវបានគេស្គាល់ស្ទើរតែមួយនគរស្ថិតនៅភូមិធ្លក(ទួលកន្ត្រើយ)សង្កាត់ច្រកម្ទេស ក្រុងបាវិតខេត្តស្វាយរៀង ដែលនាពេលកន្លងមកទីនេះជាកន្លែងសង្វៀនជល់មាន់(ឥលូវបានផ្អាកដំណើរការហើយនោះ)តែគេនៅឃើញរៀងរាល់ថ្ងៃមានមនុស្សចេញចូលៗឥតដាច់មិនដឹងថាមូលហេតុអ្វី?ពលរដ្ឋរស់នៅជិតតំបន់នោះបានប្រាប់អោយអង្គភាពសារព័ត៌មានយើងដឹងទៀតថា ពេលបច្ចុប្បន្ននេះគេនៅតែសង្កេតឃើញមានជនជាតិវៀតណាមចេញចូលបណ្តាក់គ្នាជាធម្មតាដោយមានអ្នកអង្គុយយាមរបងផ្លូវចូលទៅខាងក្នុងដោយមានរបងបិទបាំងពីខាងក្រៅជិតឈឹង ពួកគាត់ក៏បានលើកឡើងជាចម្ងល់ថា..តើនៅខាងក្នុងទីតាំងខាងលើនោះវាមានអ្វីបានជាទាក់ទាញភ្ញៀវខាងវៀតណាមដែលបានចូលមកលេងមិនដែលអាក់ខានដូច្នេះ?ឬមួយមានអ្វីដែលជាអាថ៌កំបាំងរបស់មនុស្សភពផ្កាយ(Alian)នៅខាងក្នុងទើបបានជាមានការទាក់ទាញយ៉ាងដូច្នេះទៅវិញ?គួរតែខាងមន្ត្រីឬស្ថាប័នដែលមានការពាក់ព័ន្ធសូមអញ្ជើញចុះទៅធ្វើការត្រួតពិនិត្យផងថាតើវាជាអ្វីឲ្យប្រាកដទៅ ?។
បើតាមកិច្ចសម្ភាសន៍របស់អ្នកសារព័ត៌មានជាមួយលោក ហួត សាម៉ៃ ចៅង្កាត់ច្រកម្ទេសក្រុងបាវិតបានប្រាប់តាមទូរសព្ទនៅរសៀលថ្ងៃទី២៥ខែតុលាឆ្នាំ២០២៥នេះលោកបានលើកឡើងថា ទីតាំងអតីតកាសុីខាងលើនេះពីមុនគេមានច្បាប់តែក្រោយមកបានបិទទៅវិញហើយ។ ឥលូវដល់ឮថាមានមនុស្សចេញចូលអញ្ចឹងលោកក៏មិនបានដឹងដែរចាំមើលលោកសួរគេសិន។
បើតាមប្រភពពីប្រជាពលរដ្ឋដែលមិនបញ្ចេញ អត្តសញ្ញាណ ម្នាក់រស់នៅក្បែរទីតាំងខាងលើនេះបាននិយាយតៗគ្នាថា គេមិនឃើញមានការជល់មាន់ពិតមែន តែប្រហែលជានៅមានល្បែងអនឡាញបង្កប់ខាងក្នុងហើយ។
ដោយឡែកខាងមន្ត្រីសមត្ថកិច្ចដែលនៅប្រចាំការច្រកព្រំដែនធ្លក(ច្រករបៀង)បានបង្ហើបឲ្យដឹងផងដែរថា សព្វថ្ងៃបើខាងប្រជាពលរដ្ឋទាំងសងខាងចង់ឆ្លងទៅមក(អ្នកដែលមានទីលំនៅជិតៗព្រំដែន ខ្មែរ..វៀតណាម)គឺអាចចេញឬចូលតាមច្រកការពារព្រំដែនមនោរម្យក្នុងស្រុកស្វាយទាបនិងច្រកការពារព្រំដែនធ្លកគឺផ្លូវធំខាងមុខសាលាក្រុងបាវិតចុះមកជើងពីព្រោះច្រកតូចៗខាងវៀតណាមគេបានបិទអស់ហើយមិនអនុញាតិឲ្យឆ្លងកាត់នោះទេ។
បុ៉ន្តែទោះបីជាយ៉ាងណាក៏ដោយដើម្បីកុំឲ្យមានត្រីងៀតឆ្លៀតពង(មានល្បែងអនឡាញបង្កប់ឬមិនបង្កប់ខាងក្នុង)សូមគោរពដល់មន្ត្រីឬស្ថាប័នពាក់ព័ន្ធកុំនៅស្ងៀមគួរឆ្លៀតឱកាសដ៏សមគួរណាមួយពីការប្រជុំផ្សេងៗអញ្ជើញទៅពិនិត្យឲ្យដល់ទីតាំងមួយកន្លែងនេះផងថាតើកន្លែងខាងលើនោះមានច្បាប់ឬអាជ្ញាបណ្ណ័អនុញាតិឲ្យប្រកបអាជីវកម្មឬអត់?ដើម្បីឲ្យអស់ចម្ងល់របស់មហាជន។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ យើងខ្ញុំរងចាំទទួលការបកស្រាយបំភ្លឺ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្តីពីរបបអ្នកសារព័ត៌មាននៅកម្ពុជា៕សូមអរគុណ!
