ភ្នំពេញ៖ ស្របតាមការចង្អុលបង្ហាញរបស់ ឯកឧត្ដមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន លោក សេង គន្ធ បានដឹកនាំកម្លាំង បន្ដធ្វើសកម្មភាពប្រមូល និងវេចខ្ចប់សំណល់សំរាមប្លាស្ទិក តាមដងផ្លូវ ដេីម្បីប្រយុទ្ធប្រឆាំងការបំពុលដោយប្លាស្ទិក ក្នុងន័យជម្រុញភាពស្អាត លុបបំបាត់កាកសំណល់ប្លាស្ទិកតាមដងផ្លូវ និងបង្កើតបានជាចលនា និងស្មារតី ឱ្យយុវជនស្រលាញ់បរិស្ថាន ការពារបរិស្ថាន សំដៅលេីសុខមាលភាពប្រជាពលរដ្ឋ ស្ថិតនៅក្នុងភូមិសាស្រ្ត ទឹកដីសង្កាត់ចក្រអង្រេក្រោម ខណ្ឌមានជ័យ រាជធានីភ្នំពេញ នាព្រឹកថ្ងៃទី១៩ ខែកដ្ដា ឆ្នាំ២០២៥។
ដូចទៅនឹងយុទ្ធនាការ “កម្ពុជាស្អាត ខែ្មរធ្វើបាន” គឺជាយុទ្ធនាការជម្រុញស្មារតី បណ្ដុះផ្នត់គំនិត និងជាចលនាឱ្យ សិស្សានុសិស្ស យុវជន យុវនារី ចូលរួម ការទុកដាក់សំណល់សំរាម ការសំអាត ប្រមូល វេចខ្ចប់ សំណល់សំរាមតាមដងផ្លូវ។
សូមបញ្ជាក់ថា ការចូលរួមនេះដែរ មានការនិមន្ដចូលរួមពីសំណាក់ព្រះសង្ឃ មន្រ្តីបរិស្ថានរាជធានីភ្នំពេញ មន្រ្ដីរាជការចំណុះរដ្ឋបាលខណ្ឌ លោកគ្រូ អ្នកគ្រូ ប្អូនៗសិស្សានុសិស្ស ព្រមទាំងលោកយាយលោកតា និងប្រជាពលរដ្ឋជាច្រើនរូបផងដែរ ។
ជាចុងក្រោយ លោក សេង គន្ធ សូមសំណូមពរ ប្រជាពលរដ្ឋ និងយុវជន យុវនារី សូមចូលរួមទុកដាក់សំរាមឱ្យបានត្រឹមត្រូវ និងចូលរួមប្រយុទ្ធប្រឆាំងការបំពុលដោយសំរាមប្លាស្ទិក៕
