បាត់ដំបង៖ព្រឹកថ្ងៃសៅរ៍ ៣កើត ខែអាសាឍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨ ខែមិថុនា ឆ្នាំ២០២៥ គណៈកម្មាធិការគណបក្សខេត្តបាត់ដំបង រៀបចំធ្វើពិធី មីទ្ទិញអបអរសាទរខួបលើកទី ៧៤ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩៥១ – ២៨ មិថុនា ២០២៥) ក្រោមអធិបតីភាព ឯកឧត្តម សុខ លូ សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តបាត់ដំបង និងមានការអញ្ជើញចូលរួមពី ឯកឧត្តម លោកជំទាវ លោក លោកស្រី សមាជិក សមាជិកា សិស្ស និសិ្សត យុវជន ចូលរួមយ៉ាងច្រើនកុះករ ដែលធ្វើឡើងនៅសាលមហោស្រពស្ទឹងសង្កែ ក្រុងបាត់ដំបង ខេត្តបាត់ដំបង។
ជាកិច្ចចាប់ផ្តើមនៃអង្គមីទ្ទិញ ឯកឧត្តម សុខ លូ សមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សខេត្តបាត់ដំបង បានឡើងអានសុន្ទរកថារបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ប្រជាជនកម្ពុជា។
បន្ទាប់មកបង្ហាញ ចំណាប់អារម្មណ៍របស់តំណាងអង្គមីទ្ទិញដោយយុវជននៃគណៈកម្មាធិការ គ.២៧៨ និងតំណាងអង្គមីទ្ទិញជូនកន្ត្រកផ្កាគណៈអធិបតី ក្នុងនោះមាន ស្ថានអគ្គកុងស៊ុលនៃសាធារណរដ្ឋសង្គមនិយមវៀតណាមប្រចាំខេត្តបាត់ដំបង តំណាងគណៈកម្មាធិការគណបក្សមូលដ្ឋានសាលាខេត្ត តំណាងគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្ត តំណាងគណៈកម្មាធិការសាខាកាកបាទក្រហមកម្ពុជាខេត្ត តំណាងគណៈអីម៉ាំង (ខ្មែរឥស្លាម) តំណាងគ្រិស្តបរិស័ទខ្មែរ តំណាងយុវជន យុវនារី តំណាងគណៈកម្មាធិការគណបក្សក្រុងបាត់ដំបង។ ឯកឧត្តម លោកជំទាវ គណៈអធិបតី លោក លោកស្រី សិស្សានុសិស្ស យុវជនបានបង្ហោះប៉េងប៉ោងក្នុងកិច្ចបញ្ចប់នៃកម្មវិធី៕
