ការអភិវឌ្ឍន៍ឥតឈប់ឈរ របស់រដ្ឋបាលខណ្ឌ ឫស្សីកែវ ដឹកនាំដោយលោក ជិន ប៊ុនធឿន ដែលលោក ខិតខំប្រឹងប្រែង កសាងក្នុងការស្ថាបនាហេដ្ឋារចនាសម្ព័ន្ធ ប្រព័ន្ធប្រឡាយ បញ្ជៀសការលិចលង់ ផ្ទះសម្បែងរបស់បងប្អូនប្រជាពលរដ្ឋ នារដូវវស្សា ឥឡូវនេះជិតបាន សំរេចបណ្តើរៗហើយ!!!

ខណ្ឌប្ញស្សីកែវ រាជធា​នីភ្នំពេញ÷
នាព្រឹកថ្ងៃសុក្រ ទី១៣ ខែមិថុនា ឆ្នាំ២០២៥ ដោយមានការណែនាំ និងចង្អុលបង្ហាញ ដោយយកចិត្តទុកដាក់ ពីឯកឧត្តម ឃួង ស្រេង អភិបាលរាជធានីភ្នំពេញ ទៅលើ ហេដ្ឋារចនាសម្ព័ន្ធ ប្រព័ន្ធប្រឡាយ ទូទាំងរាជធានីភ្នំពេញ។​

លោក ជិន ប៊ុនធឿន អភិបាលខណ្ឌឫស្សីកែវ បានអញ្ជើញចុះត្រួតពិនិត្យ និងបញ្ជា ដោយផ្ទាល់ ក្នុងការដាក់គ្រឿងចក្រស្តារប្រឡាយ និងពិនិត្យប្រព័ន្ធរំដោះទឹក ដែលស្ថិតក្នុងមូលដ្ឋានសង្កាត់ស្វាយប៉ាក ។
នាឱកាសនោះ លោកអភិបាលខណ្ឌ បានលើកឡើងថាការស្តារប្រឡាយនេះពិតជាមានសារៈសំខាន់ណាស់ ព្រោះប្រឡាយខាងលើបានដើរតួនាទីយ៉ាងសំខាន់ ក្នុងការរំដោះទឹកពីភូមិដ្ឋានប្រជាពលរដ្ឋ ជាពិសេស ក្នុងសង្កាត់ស្វាយប៉ាក ទាំងមូលតែម្តង ដែលមានស្ថានីយ៍បូមទឹកគីឡូម៉ែត្រលេខ៩ គឺជាចំនុចចុងក្រោយដែលទឹកហូរចូលទៅទន្លេសាប ។ លោកអភិបាលខណ្ឌ ក៏បានបញ្ជាការជីកត្រូវមានជម្រៅជ្រៅ ធំទូលាយ ដើម្បីបង្កលក្ខណៈងាយស្រួលដល់ចរន្តទឹកហូរបានលឿន និងឆាប់ស្រកនៅមានភ្លៀងធ្លាក់ផងដែរ ។

ជាចុងក្រោយនេះ លោក ជិន ប៊ុនធឿន អភិបាលនៃគណៈអភិបាលខណ្ឌឫស្សីកែវ លោកក៏បាន ស្នើសុំដល់បងប្អូនប្រជាពលរដ្ឋដែលរស់នៅតាមបណ្ដោយប្រឡាយ ទាំងអស់ សុំមេត្តាជួយថែរក្សា ការពារ នូវ ប្រលាយមេមួយខ្សែនេះ ពីព្រោះប្រលាយមេមួយខ្សែនេះគឺជា ប្រយោជន៍របស់រួម បំរើដល់ផលប្រយោជន៍របស់បងប្អូនទាំងអស់គ្នា ។

ជាពិសេស លោកក៏បាន បញ្ជាដល់ គ្រប់ភូមិសង្កាត់ទាំងអស់ ត្រូវតាមដាននិងយកចិត្ត អោយបានខ្ពស់ នៅពេលដែលមាន មេឃភ្លៀង ខ្យល់ព្យុះកន្ត្រាក់ ម្ដងៗ នាំគ្នាពិនិត្យមើលតាមប្រព័ន្ធលូប្រលាយ និង ផលប៉ះពាល់ ដល់ផ្ទះសំបែង និងការរស់នៅរបស់បងប្អូនប្រជាពលរដ្ឋ ក្នុងមូលដ្ឋាន និង ត្រូវរាយការណ៍ ជូនលោក ជាបន្ទាន់ ដើម្បី អោយរូបលោក មានវិធានការដោះស្រាយ បានទាន់ពេលវេលា និងបាន ឆាប់រហ័ស៕