បន្ទាយមានជ័យ៖ អនុវត្តតាមការណែនាំនិងបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅថ្ងៃទី ២៦ខែឧសភា ឆ្នាំ២០២៥ ក្រុមចល័តរបស់ការិយាល័យអត្តសញ្ញាណប័ណ្ណសញ្ជាតិខ្មែរ និងកម្លាំងអធិការនគរបាលក្រុងសិរីសោភ័ណ បានចុះប្រមូលទិន្នន័យផ្តល់អត្តសញ្ញាណប័ណ្ណសញ្ជាតិខ្មែរ ជូនលោកគ្រូ អ្នកគ្រូ អាណាព្យាបាលសិស្សានុសិស្ស និងប្រជាពលរដ្ឋ នៅសាលារៀន សុវណ្ណភូមិ ស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ។
លោកវរៈសេនីយ៍ឯក អន ឌា នាយការិយាល័យអត្តសញ្ញាណប័ណ្ណសញ្ជាតិខ្មែរ បានឲ្យដឹងថាលទ្ធផលកិច្ចប្រតិបត្តិការនេះ ក្រុមការងារយើងបានផ្ដល់អត្តសញ្ញាណប័ណ្ណថ្មីចំនួន១១នាក់ ស្រី៦នាក់ សរុប១៩នាក់ និងទុតិយតាចំនួន៥នាក់ ស្រី៣នាក់។
ស្នងការដ្ឋាននគរបាលខេត្តបន្ទាយមានជ័យ សូមអំពាវនាវដល់ប្រជាពលរដ្ឋនៅទូទាំងខេត្ត សូមយកចិត្តទុកដាក់ ទៅធ្វើអត្តសញ្ញាណប័ណ្ណសញ្ជាតិខ្មែរឲ្យបានគ្រប់គ្នា ពិសេសយុវជនដែលទើបគ្រប់អាយុ និងអ្នកហួសសុពលភាព ដើម្បីយកមកប្រើប្រាស់ក្នុងជីវភាពរស់នៅប្រចាំថ្ងៃ និងសម្រាប់ចុះឈ្មោះបោះឆ្នោត៕
