បានត្រឹមមួយចំអិនកំពឹស ករណីដឹកជញ្ជូនលៀសខុសច្បាប់ ពីឈ្មួញជើងខ្លាំងដុះស្លែរ យកទៅឡកែច្នៃ នៅស្រុកក្រគរ រួចដឹកជញ្ជូនបន្តទៅលក់នៅវៀតណាម បានដោយរលូនជារៀងរាល់ថ្ងៃ ដោយមន្ត្រីជល់ផលតែងតែឆ្លើយដោះសារមិនចេះអស់ក្បាច់..?

កំពង់ឆ្នាំង÷ សកម្មភាពដឹងជញ្ជូនលៀសខុសច្បាប់ដែលត្រូវបានហាមឃាត និងច្បាប់ជល់ផល នៅតែគឃ្លើនមិនខ្លាចច្បាប់ ឬមួយក៏ដូចពាក្យចាស់ពោលថា÷(បើចោរស្រុកមិនអោយដៃ ចោរព្រៃក៏មិនហ៊ានដែរ) យោងតាមប្រភពពីប្រជាពលរដ្ឋនេសាទតាមលក្ខណៈគ្រួសារបានប្រាប់ដល់អង្គភាពព័ត៌មានយើងឪ្យដឹងថា÷
លៀសដែលគេដឹកជញ្ជូនគឺជាលៀសតូចៗជាលៀសប្រភេទបន្តពូជ ដែលបានត្រូវហាមឃាតដោយច្បាប់ ដែលក្រុមឈ្មួញបញ្ជាទិញយកទៅគិនធ្វើជាចំណីសត្វ ដោយដឹកជញ្ជូនពីខេត្តសៀមរាប ឆ្លងកាត់ខេត្តកំពង់ធំ. ខេត្តពោធិ៍សាត់.
យកមកឡើងនៅឃុំឆ្នុកទ្រូ ខេត្តកំពង់ឆ្នាំង នៅចំណុចមាត់ទឹកជើងកំពុង ជារៀងរាល់ថ្ងៃ ដោយមន្ត្រីជលផលមិនអើពើរទោះបីជាអ្នកសារព័ត៌មានជូនដំណឹងនូវសកម្មភាពទាំងនោះក៏ដោយ ម្យ៉ាងទៀតការដឹកជញ្ជូនលៀសទាំងនេះអាចដឹកជញ្ជូនមកបានដូចចេះបំបាំងកាយទើបមន្ត្រីជំនាយទាំងនោះមើលមិនឃើញហាក់បីដូចជាត្រូវថ្នាំសណ្ដំដេកលង់លក់មិនខ្ចីក្រោក។

ជាក់ស្ដែងនៅថ្ងៃទី ២២.២៣.២៤ អង្គភាពយើងខ្ញុំបានទទួលនូវប្រភពព័ត៌មានទាំងនេះ និងបានរាយការណ៍ជូនទៅដល់មន្ត្រីជំនាញជលផលពាក់ព័ន្ធនៅក្នុងឃុំឆ្នុកទ្រូ តែបែរជាស្ងាត់ឈឹងមិនមានវិធានការទប់ស្កាត់សោះឡើយទើបអង្គភាព យើងខ្ញុំ ធ្វើការផ្សព្វផ្សាយជូនដំណឹងទៅដល់លោកប្រធានមន្ទីរខេត្តកំពង់ឆ្នាំង
ក៏ដូចជាលោក លីឡា នាយខណ្ឌរដ្ឋបាលជលផលកំពង់ឆ្នាំង។
មេត្តាជ្រាបជាព័ត៌មានដើម្បីមានវិធានការទប់ស្កាត់ការឡើងលៀសនៅចំណុចឃុំឆ្នុកទ្រូនេះ ដើម្បីបង្ក្រាបឲ្យបានទាន់ពេលវេលា នូវការដឹកជញ្ជូនលៀសទាំងនេះ ព្រោះការរុករកលៀសប្រភេទតូចៗនេះធ្វើទៅបាន គឺរកបានដោយសារការនេសាទប្រើប្រាស់នៅម៉ា​សុីនទូកធំៗដែលអាចកាវដល់ជំរៅជ្រៅដល់បាតទន្លេ ដែលជាហេតុបង្ករផលប៉ះពាល់យ៉ាងធ្ងន់ធ្ងរដល់អេកូឡូស៊ីនៅក្នុងបាត់បឹងទន្លេសាប
និងបង្កផលប៉ះពាល់ដល់រដូវត្រីពងកូន ។ល។

ជុំវិញ​ការចុះផ្សាយខាងលើ អង្គភាពយើងខ្ញុំ គ្រាន់តែជាព្រាបនាំសារ ពីប្រជាពលរដ្ឋ ជូនថ្នាក់ដឹកនាំ និងការអភិវឌ្ឍន៍ របស់ថ្នាក់ដឹកនាំឱ្យប្រជាពរដ្ឋបានដឹងតែប៉ុណ្ណោះ។ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ។ សូមអរគុណ!