ខណ្ធមានជ័យ៖នាព្រឹកថ្ងៃពុធទី០៧ ខែឧសភា ឆ្នាំ២០២៥ លោក សេង គន្ធ អភិបាលនៃគណៈអភិបាលខណ្ឌមានជ័យ ព្រមទាំងលោក ចៅសង្កាត់ស្ទឹងមានជ័យ៣ លោក ស៊ាំង សីណា បានអញ្ជើញចុះពិនិត្យ ការកសាងប្រឡាយ មេ១ខ្សែ ដែលស្ថិតក្នុងភូមិឫស្សី១ និងភូមិឫស្សី២ និងរិះរកវិធីដោះស្រាយ គ្រប់បែបយ៉ាងដើម្បី ធ្វើយ៉ាងណាអោយមានភាពល្អប្រសើរជាងមុន ឈានទៅដល់ការបញ្ចប់ (បញ្ហា) នៅសល់១ខ្នងផ្ទះ ចុងក្រោយគេ តែប៉ុណ្ណោះ ជិតបានរួចរាល់ទាំងស្រុង ជូនបងប្អូនប្រជាពលរដ្ឋដែលរស់នៅក្នុងរាជធានីភ្នំពេញដែលមានចំនួនកើនឡើងជិត ៣ លាន នាក់សព្វថ្ងៃ។
នៅពេលនេះ រដ្ឋបាលសាលារាជធានីភ្នំពេញ ក៏ដូចជា រដ្ឋបាលសាលាខណ្ឌមានជ័យ ដឹកនាំដោយលោក សេង គន្ធ អភិបាលខណ្ឌមានជ័យ លោកសំរេច ក្នុងការដោះស្រាយ និងអភិវឌ្ឍន៍ប្រ់ឡាយមេ បញ្ចៀសជំនន់ទឹកភ្លៀង នារដូវវស្សា បានចំនួន ៩៩% ហើយ។
ស្របពេលដែលប្រទេសជាតិកំពុងតែអភិវឌ្ឍន៍ រាល់គ្រប់ហេដ្ឋារចនាសម្ព័ន្ធទូទាំងប្រទេស ក្នុងនោះផងដែរ ដើម្បីស្តារប្រឡាយមេ មួយខ្សែ ដែលជាប្រឡាយ ដ៏សំខាន់មួយក្នុងការរំដោះទឹកជំនន់ ដោយទឹកភ្លៀង ដែលតែងតែបង្កអោយមានការលិចលង់ ក្នុងរាជធានីភ្នំពេញរបស់យើង រាជរដ្ឋាភិបាល ក៏ដូចជាសាលារាជធានីភ្នំពេញ ។
ជាចុងក្រោយនេះក្នុងនាមរដ្ឋបាល ខណ្ឌមានជ័យ ដឹកនាំដោយលោក សេង គន្ធ អភិបាលនៃខណ្ឌមានជយ័ លោកក៏បានថ្លែងអំណរគុណ ដល់បងប្អូនប្រជាពលរដ្ឋ ដែលកំពុងតែរស់នៅជិតប្រឡាយមេរបស់រដ្ឋ ដែលបានសហការជាមួយអជ្ញាធររបស់លោក ក៏ដូចជាបងប្អូនអង្គភាព សារពត៍មានទាំងអស់ មេត្តានាំគ្នាសហការណ៍ជាមួយអជ្ញាធរ របស់លោក និងចូលរួមផ្សព្វផ្សាយ អោយបានច្រើន ដើម្បីជំរុញក្នុងកិច្ចការងាររបស់មន្ទីរសារធារណៈការ កសាងប្រឡាយមេ ក្នុងការអភិវឌ្ឍន៍ របស់ប្រទេសជាតិរបស់យើងគ្រប់ៗគ្នា៕
