ឯកឧត្តមឧត្តមសេនីយ៍ឯក សម វណ្ណវីរៈ អគ្គស្នងការរងនគរបាលជាតិ តំណាងឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជួបប្រជុំពិភាក្សាការងារ ស្ដីពីការពង្រឹងសន្ដិសុខនៅតាមព្រំដែន ជាមួយរដ្ឋបាលខេត្តព្រះវិហារ ដឹកនាំដោយឯកឧត្តម គីម រិទ្ធី អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តព្រះវិហារ ក្នុងគោលបំណងដើម្បីធ្វើការវិភាគលើស្ថានភាពសន្ដិសុខបច្ចុប្បន្ន និងបង្កើនសមត្ថភាពក្នុងការការពារ និងត្រួតពិនិត្យតំបន់ព្រំដែនឱ្យមានប្រសិទ្ធភាពកាន់តែខ្ពស់។
កិច្ចប្រជុំនេះធ្វើឡើងនៅសាលប្រជុំប្រាសាទព្រះវិហារ នៃអគាររដ្ឋបាលសាលាខេត្តជាន់ទី៣ ដោយមានការអញ្ជើញចូលរួមពីគណៈប្រតិភូអមដំណើរ លោក លោកស្រីជាអភិបាលរងខេត្ត មេបញ្ជាការកងកម្លាំងទាំង៣ ថ្នាក់ដឹកនាំមន្ទីរអង្គភាពជុំវិញខេត្ត អភិបាលក្រុងស្រុកទាំង៨ មេបញ្ជាការវរៈការពារព្រំដែន និងអ្នកពាក់ព័ន្ធជាច្រើនរូបទៀត។ ខៀវ ផល្លា
