ផ្សាយចេញថ្ងៃពុធ ទី០៥ ខែមីនា ឆ្នាំ២០២៥
បើតាមសេចក្តីរាយការណ៍ ពីប្រជាពលរដ្ឋបានប្រាប់ មកអង្គភាព សារព័ត៌មានយើងខ្ញុំអោយបានដឹងថា មានកាបើកលេងល្បែងសុីសងប្រភេទមាន់ជល់តាមប្រពន្ធ័អនឡាញ ជាច្រើនកន្លែង នៅស្រុកកៀនស្វាយ ពេលបានដំណឹងនេះហើយ ក្រុមការងារក៏បានចុះទៅ តាមដែលប្រជាពលរដ្ឋប្រាប់ហើយក៏ប្រទះឃើញមានទីតាំងបើកមាន់ជល់តាមប្រពន្ធ័អនឡាញជាច្រើនកន្លែង ពិតប្រាកដមែន ហើយក៏បានថតផ្តិតយករូបភាព ដើម្បីធ្វើការផ្សព្វផ្សាយជាដំណឹង ជូនដល់អាជ្ញាធរមូនដ្ឋាន ក៏ដូចជាថ្នាក់ដឹកនាំក្នុង លោកបានជ្រាបជាព័ត៌មាន។
ជាក់ស្តែងនៅក្នុងឃុំចំនួនពីរ ឃុំដីឥដ្ឋ នឹងឃុំកំពង់ស្វាយ ស្រុកកៀនស្វាយ ខេត្តកណ្ដាលមានទីតាំងបើកលេងល្បែងសុីសងមាន់ជល់ តាមប្រពន្ធ័អនឡាញរួមមាន៖
១.ភូមិស្ដៅកន្លែងពីរ ឃុំដីឥដ្ឋ ស្រុកកៀនស្វាយ
២.ភូមិស្ដៅកន្លែងប្រាំ ឃុំដីឥដ្ឋ ស្រុកកៀនស្វាយ
៣.ភូមិស្ដៅកន្លែង ឃុំដីឥដ្ឋ ស្រុកកៀនស្វាយ ជិតសាលាប៉ូលិស
៤.ភូមិព្រែកដូងពីរ ឃុំកំពង់ស្វាយ ស្រុកកៀនស្វាយ
៥.ភូមិព្រែកថ្មី ឃុំកំពង់ស្វាយ ស្រុកកៀនស្វាយ
៦.ភូមិព្រែកតាណុប ឃុំកំពង់ស្វាយ ស្រុកកៀនស្វាយ ជួរមាត់ទន្លេ
៧.ភូមិព្រែកតាណុប ឃុំកំពង់ស្វាយ ស្រុកកៀនស្វាយ
ឃើញថាលបលួចបើកលេងបានយ៉ាងសប្បាយ ហាក់បីផ្គើន មិនខ្លាចញញើតទៅនិងអាជ្ញាធរមូលដ្ឋានទាល់តែសោះ? ជាពិសេសផ្គើន នឹងប្រសាសន៍ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលបានដាក់បទបញ្ជា កាលពីថ្ងៃ ទី១៨ ខែកុម្ភៈ ឆ្នាំ២០២៤កន្លងទៅ ឲ្យអភិបាលទាំង២៥ ខេត្ត.ក្រុង.រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ។
ប្រជាពលរដ្ឋដែលមិនសប្បាយចិត្តល្បែងសុីសង ដែលកើតមានក្នុងមូលដ្ឋានរបស់គាត់ បានស្នើសុំដល់អាជ្ញាធរមានសមត្ថកិច្ច ក្នុងមូលដ្ឋាន ភូមិឃុំខាងលើ ជាពិសេស លោក វរសេនីយ៍ឯក ព្រុំ សំណាង អធិការនគបាល ស្រុកកៀនស្វាយ ដែលលោកតែងតែយកចិត្តទុកដាក់ គិតគូរ ដល់សុខទុក្ខ នឹងសុខសុវត្ថិភាព របស់ប្រជាពលរដ្ឋ សូមមេត្តាចាត់កំលាំងជំនាញចុះស៊ើបអង្កេតទៅលើទីតាំងខាងលើទាំងនោះ និងមានវិធានការ ទប់ស្កាត់ ដើម្បីស្របទៅតាមបទបញ្ជារបស់រាជរដ្ឋាភិបាល នឹងគោលនយោបាយ ភូមិឃុំសង្កាត់មានសុវត្ថិភាពទាំង៧ចំណុចផងទាន។
សូមបញ្ជាក់ថា ទីតាំងល្បែងសុីសងខាងលើ អង្គភាពយើងខ្ញុំ បានរាយការណ៍ ជូនទៅលោកអធិការ តាមរយៈតេឡេក្រាមដែរ តែប្រហែលជាលោកមានការ រវល់ច្រើនទើបលោកមិនបានចូលមើល៕
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ គ្រាន់តែជាព្រាបនាំសារ ពីប្រជាពលរដ្ឋ ជូនថ្នាក់ដឹកនាំ និងការអភិវឌ្ឍន៍ របស់ថ្នាក់ដឹកនាំឱ្យប្រជាពរដ្ឋបានដឹងតែប៉ុណ្ណោះ។ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ។ សូមអគុណ!
