ទឹកដីស្រុកស្អាង៖ក្រោយពីអង្គភាពសារព័ត៌មាន បានធ្វើកាផ្សាយជូនដំណឹងដល់អាជ្ញាធរមូលដ្ឋាន នឹងថ្នាក់ដឹកនាំបានជ្រាបថា សៃវៀនបញ្ជល់មាន់ស្ថិតនៅក្នុងភូមិទួលអណ្ដូង ឃុំស្វាយប្រទាល ស្រុកស្អាងរួចមក ពេលនេះបានប្តូរទីតាំងមកបើកលេងនៅ ភូមិពោធិ៍តាប៉ាង ឃុំស្វាយប្រទាល ស្រុកស្អាងខេត្តកណ្ដាលវិញហើយ។
ជាក់ស្ដែងនៅថ្ងៃអាទិត្យ ទី២ ខែមីនា ឆ្នាំ២០២៥ ឃើញថាហ្វូងមនុស្យកំពុងតែបញ្ជល់មាន់ ស្រែកហ៊ោកញ្ជៀវ យ៉ាងសប្បាយមិនខ្វល់
ពីការចុះបង្រ្កាប ឬមានវិធានកាផ្លូវច្បាប់ ពីសំណាក់ លោក វ៉េង សុផល មេប៉ុស្តិ៍ស្វាយប្រទាលនោះទេ។
ប្រជាពលរដ្ឋ ដែលប្រកបអាជីវកម្មដាំបន្លែម្នាក់ បានលើកជាចម្ងល់មកថា ក្រុមអ្នកលេងបញ្ជល់មាន់ នាំគ្នាលេងបានយ៉ាងរលូនបែបនេះ ហេតុអ្វីលោក វ៉េង សុផល មេប៉ុស្តិ៍ស្វាយប្រទាល លោកអត់មានកាទុប ស្កាត់ នឹងបង្រ្កាប ឬមួយលោក ដឹងហើយ ឮហើយធ្វើជាមិនដឹង ។ពលរដ្ឋបន្តទៀតថា គាត់មានការព្រួយបារម្មណ៍ណាស់ នៅពេលមានល្បែងសុីសងកើតមានបែបនេះ ខ្លាចតែមានអំពើហិង្សាក្នុងគ្រួសារ និងមានចោរលួច ឆក់ ផ្លន់ នោះទេ។
ប្រជាពលរដ្ឋ ដែលមិនសប្បាយចិត្ត និងក្រុមអ្នកល្បែងសុីសង បញ្ជល់មាន់ទាំងនោះ បានគោរពស្នើសុំ ដល់លោក ជឺ គីមហៃ អភិបាលនៃគណៈភិបាលស្រុកស្អាង និងជាប្រធានគណៈបញ្ជាការឯកភាពស្រុក នឹងលោក វរសេនីយ៍ឯក រស់ ចន្ថា អធិការនគរបាលស្រុកស្អាង មេត្តាចាត់ កម្លាំងជំនាញក្រោមឱវាទ ចុះពិនិត្យ ស្រាវជ្រាវ ទៅលើទីតាំងល្បែងខាងលើនេះផងទាន ដើម្បីរក្សានូវ សុខសុវត្ថិភាពជូនដល់ប្រជាពលរដ្ឋ និងឱ្យស្របទៅ នឹងពាក្យស្លោក ភូមិឃុំមានសុខសុវត្ថិភាព គ្មានអំពើលួច ឆក់ ប្លន់ និងករណីផ្សេងៗ ដែលប្រមុខរាជរដ្ឋាភិបាល ដាក់ជូនឲ្យមន្ត្រីថ្នាក់ក្រោមអនុវត្ត ។
ជាពិសេសពិនិត្យមើលអាជ្ញាធរមានសមត្ថកិច្ចមូលដ្ឋាន តើគាត់កំពង់ធ្វើអ្វីដែរ បានជាបណ្តើតបណ្តោយ អោយមានល្បែងសុីសង កើតមានក្នុងតំបន់ដែលគាត់គ្រប់គ្រងបានយ៉ាងដូច្នេះ?។
សូមរំលឹកផងដែរថា កាលពីថ្ងៃទី២៣ ខែកុម្ភៈ ឆ្នាំ២០២៥ ក្រុមនេះបើកលេង នៅភូមិទួលអណ្ដូង ឃុំស្វាយប្រទាល ស្រុកស្អាង ក្រោយពីអង្គភាពសារព័ត៌មានចេញផ្សាយ ក្រុមនេះបានប្តូរទីតាំងទៅ បើកលេងនៅ ភូមិពោធិ៍តាប៉ាង ឃុំស្វាយប្រទាល ស្រុកស្អាងខេត្តកណ្ដាលវិញម្តង បើតាមសំដីប្រជាពលរដ្ឋថា ក្រុមនេះមានទីតាំងជាច្រើនកន្លែង ក្នុងឃុំស្វាយប្រទាល ដើម្បី ចល័តលេង៕
