សៃវៀនបញ្ជល់មាន់ក្នុងចំការស្វាយមួយកន្លែង ស្ថិតនៅភូមិទួលអណ្តូង ឃុំស្វាយប្រទាល ស្រុកស្អាង កំពុង លេងយ៉ាងសប្បាយ មិនខ្វល់ខ្វាយអំពី អាជ្ញាធរមានសមត្ថកិច្ចក្នុងមូលដ្ឋាន…

ទឹកដីស្រុកស្អាង៖ដោយបានទទួលដំណឹងពីបងប្អូនប្រជាពលរដ្ឋ រស់នៅក្នុងភូមិទួលអណ្ដូង ឃុំស្វាយប្រទាល ស្រុកស្អាង ខេត្តកណ្ដាល ប្រាប់អង្គភាពសារព៍ត៌មានអោយបានដឹងថា មានក្រុមញៀនល្បែងបញ្ជល់មាន់ ភ្នាល់ដាក់លុយ មួយកន្លែងក្នុងចំការស្វាយ ស្ថិតនៅភូមិឃុំខាងលើ បើកលេងជារៀងរាល់ថ្ងៃ ដោយមិនខ្លាចញញើតអាជ្ញាធរក្នុងមូលដ្ឋានឡើយ។

ជាក់ស្ដែងនៅថ្ងៃអាទិត្យ ទី២៣ ខែកុម្ភៈ ឆ្នាំ២០២៥ ក្រុមអ្នកសារព័ត៏មានបានចុះទៅដល់ ចំណុចដែលបងប្អូនប្រជាពលរដ្ឋប្រាប់នោះ ក៏បានប្រទះ ឃើញហ្វូងមនុស្យកំពុងតែបញ្ជល់មាន់ ស្រែកហ៊ោកញ្ជៀវ យ៉ាងសប្បាយមិនខ្វល់
ពីអាជ្ញាធររំខាងនោះឡើយ ហើយក្រុមការងារក៏បានថតយករូបភាព ដើម្បីចុះផ្សាយ ជូនដំណឹងដល់អាជ្ញាធរមូលដ្ឋាន ក៏ដូចជាថ្នាក់ដឹកនាំ ក្នុងស្រុក ក៏ដូចជាខេត្ត អោយលោកបានជ្រាប។

ប្រជាពលរដ្ឋ ដែលមិនសប្បាយចិត្ត និងល្បែងសុីសង បញ្ជល់មាន់របស់ក្រុមញៀនល្បែងទាំងនោះ បានសំណូមពរ ដល់លោក  ជឺ គីមហៃ អភិបាលនៃគណៈភិបាលស្រុកស្អាង និងជាប្រធានគណៈបញ្ជាការឯកភាពស្រុក នឹងលោក វរសេនីយ៍ឯក រស់ ចន្ថា អធិការនគរបាលស្រុកស្អាង មេត្តាចាត់ កម្លាំងជំនាញក្រោមឱវាទ ចុះពិនិត្យ ស្រាវជ្រាវ ទៅលើទីតាំងល្បែងខាងលើនេះផងទាន ដើម្បីរក្សានូវ សុខសុវត្ថិភាពជូនដល់ប្រជាពលរដ្ឋ និងឱ្យស្របទៅ នឹងពាក្យស្លោក ភូមិឃុំមានសុវត្ថិភាព គ្មានអំពើលួច ឆក់ ប្លន់ និងករណីផ្សេងៗ ដែលប្រមុខរាជរដ្ឋាភិបាល ដាក់ជូនឲ្យមន្ត្រីថ្នាក់ក្រោមអនុវត្ត ។
ជាពិសេសពិនិត្យមើលអាជ្ញាធរមានសមត្ថកិច្ចមូលដ្ឋាន តើគាត់កំពង់ធ្វើអ្វីដែរ បានជាបណ្តើតបណ្តោយ អោយមានល្បែងសុីសង កើតមានក្នុងតំបន់ដែលគាត់គ្រប់គ្រងបានយ៉ាងដូច្នេះ?។

សូមរំលឹកថា៖ កាលពីថ្ងៃ ទី១៨ ខែកុម្ភៈ ឆ្នាំ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត/ក្រុង/រាជធានី, តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។

សូមរំលឹកផងដែរថា ទីតាំងមាន់ជល់ ទាំងនេះអង្គភាពសារព័ត៌មាន ធ្លាប់ជម្រាបជូនលោក វ៉េង សុផល មេប៉ុស្តិ៍ស្វាយប្រទាល តាមរយៈតេឡេក្រាម របស់លោក ដែលមានលេខ012834738 តែលោកមិនបានចូលមើលនោះទេ ថែមទាំងលុបរូបថតលោក ពីប្រូហ្វាលរបស់ទៀតផង។

ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ គ្រាន់តែជាព្រាបនាំសារ ពីប្រជាពលរដ្ឋ ជូនថ្នាក់ដឹកនាំ និងការអភិវឌ្ឍន៍ របស់ថ្នាក់ដឹកនាំឱ្យប្រជាពរដ្ឋបានដឹងតែប៉ុណ្ណោះ។ធ្វើការផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ។សូមអរគុណ!