ស្រុកអណ្ដូងមាស៖ លោក ចាំងជីយាន ប្រធានក្រុមប្រឹក្សាស្រុកអណ្ដូងមាសកាលពីថ្ងៃទី១៣ ខែកុម្ភៈឆ្នាំ ២០២៥ បានដឹកនាំកម្លាំងស្រុកដោយមានការសហការ ពីកសិដ្ឋាន ឌឿនជូ និងក្រុមហ៊ុន ហង្សអាញ់ បានចុះទៅជួសជុលស្ពានឈើមួយកន្លែង មានឈ្មោះថា ស្ពានតាទា ដែលមានប្រវែងចំនួន ១៣ ម៉ែត្រស្ថិតនៅភូមិ កាក ភូមិតាឡាវ ស្រុកអណ្ដូងមាសខេត្តរតនគិរី
ដែលបានបាក់ខូចខាតកាលពីថ្ងៃទី១០ ខែកុម្ភៈ ឆ្នាំ២០២៥ កន្លងមកថ្មីៗនេះ។
លោក ចាំងជីយាន ប្រធានក្រុមប្រឹក្សាស្រុកអណ្ដូងមាស ដែលបានដឹកនាំកម្លាំងចុះសាងសង់ស្ពាន មួយខ្សែនេះបានប្រាប់អង្គភាពសារព័ត៌មានអោយបានដឹងថា៖
ស្ពានអូតាទា ដែលមានប្រវែង១៣ ម៉ែត្រប្រមាណថ្ងៃមុននេះបានបាក់ ដោយសារឡានដឹកធ្ងន់ៗទើបវាបាក់ តែថ្ងៃនេះក្រុមការងារយើង ថ្នាក់ស្រុក ជាមួយថ្នាក់ឃុំ សហការគ្នា ជាមួយក្រុមហ៊ុន ហង្សអាញ់ និងកសិដ្ឋានឌឿនជូ ព្រមទាំងប្រជាពលរដ្ឋ ក្នុងភូមិនេះមកចូលរួម ធ្វើឲ្យហើយដើម្បីកុំឲ្យស្ទះ នូវការដឹកជញ្ជូនកសិផល របស់ពុកម៉ែប្រជាពលរដ្ឋ នៅក្នុងឃុំ។
លោកក៏បានបញ្ជាក់ផងដែរថា មុននឹងធ្វើ លោកបានប្រជុំក្រុមប្រឹក្សារួចហើយ ហើយក៏ពិនិត្យឃើញថា ស្ថានភាពស្ពាន ដែលនៅក្នុងឃុំតាឡាវ មានចំនួន ១២ ស្ពានគឺវាទ្រុតទ្រោមខ្លាំង ក្រោយពីប្រជុំរួច ក៏បានស្នើសុំទៅមន្ទីរបរិស្ថាន ស្នើសុំឈើចំនួន ១៤ គីប ដើម្បីយកមកជួសជុលស្ពានដើម្បីយកមកជួសជុលស្ពាន ធ្វើម៉េចបង្កឱ្យមានភាពងាយស្រួល
ដល់ប្រជាពលរដ្ឋយើងខ្ញុំ នៅក្នុងមូលដ្ឋាននេះកុំឱ្យមានគ្រោះថ្នាក់ ធានាសុវត្ថិភាពដល់ពួកគាត់។
លោកក៏បានសំណូមពរទៅដល់បងប្អូនដែល ដឹកជញ្ជូនកសិផល ឆ្លងកាត់ស្ពាន មេត្តាកុំដឹកច្រើនលើសលប់ពេកអី ព្រោះស្ព៑ានយើងគឺជាស្ពានឈើ ទ្រទម្ងន់បានត្រឹមតែ12 តោនប៉ុណ្ណោះ បើបងប្អូនដឹកលើសទម្ងន់ លើសពី 12តោននោះ វាអាចហ្នឹងធ្វើឲ្យស្ពាន បាក់ទ្រុឌទ្រោម ខូចខាត ជាក់ជាមិនខានឡើយ៕
