ឯកឧត្តម នេត្រ ភក្ត្រា​ អញ្ជើញជាអធិបតីកិច្ចប្រជុំ ផ្សព្វផ្សាយសេចក្តី ជូនដំណឹងស្តីពីលទ្ធផល នៃសន្និបាតគណៈកម្មាធិការកណ្តាល លើកទី៤៥ អាណត្តិទី៥​

ខេត្ត​ក្រចេះ៖​ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តក្រចេះ បានអញ្ជើញជាអធិបតីកិច្ចប្រជុំ ផ្សព្វផ្សាយសេចក្តី ជូនដំណឹងស្តីពីលទ្ធផល នៃសន្និបាតគណៈកម្មាធិការកណ្តាល លើកទី៤៥ អាណត្តិទី៥ របស់គណបក្សប្រជាជនកម្ពុជា កាលពីថ្ងៃទី២៥-២៦ ខែមករា ឆ្នាំ២០២៥ នៅវិមាន ៧ មករា នារសៀលថ្ងៃទី០៨ ខែកុម្ភៈ ឆ្នាំ២០២៥ នៅទីស្នាក់ការបក្សខេត្តក្រចេះ​។

ក្នុង​ឱកាស​នោះផងដែរ​ ក៏មាន​ការចូលរួម​ពីសំណាក់​ ឯកឧត្ដម​ លោកជំទាវ​ អនុប្រធាន​ ក្រុមការងារគណបក្សចុះមូលដ្ឋានខេត្តក្រចេះនិង​សមាជិក​ សមាជិកា​ គណបក្ស​ប្រជាជន​កម្ពុជា​ក្នុង​មូលដ្ឋាន​ខេត្ដ​ក្រេះ​ ប្រមាណ​ជាង​ ៥០០នាក់​ផងដែរ។