ខណ្ឌព្រែកព្នៅ៖នាព្រឹកថ្ងៃអាទិត្យទី២៥ខែសីហាឆ្នាំ២០២៤
លោក ធឹម សំអាន អភិបាលនៃគណៈអភិបាលខណ្ឌព្រែកព្នៅ បានដឹកនាំមន្ត្រីក្រោមឱវាទ ចុះសហការណ៍ ជាមួយលោក ឆួន ឆាំ ចៅសង្កាត់ពង្សាំង លោកប្រធានភូមិ លោកគ្រូ នាយកសាលា បឹងប្រិយ៍ សិស្សានុសិស្ស បងៗប្រជាការពារ រៀបចំឈូសឆាយ សំអាតដី ដែលពូន ជាពុំនូកៗ ជាប់តាមបណ្តោយផ្លូវដែលកំពុងពង្រីកបាន សំរេចរួចរាល់ ត្រៀមអោយបងប្អូនប្រជាពលរដ្ឋធ្វើដំណើរ ប្រកបសុខដុមរមនា។
សុំរំលឹកផងដែរថាផ្លូវលេខ៤២ ជាផ្លូវមួយដ៏សំខាន់ណាស់សំរាប់ បំរើដល់ សេដ្ឋកិច្ច និងការធ្វើដំណើរ របស់បងប្អូនប្រជាពលរដ្ឋ ដែលតភ្ជាប់ ពីផ្លូវលេខ១៥១ រហូតដល់ព្រំប្រទល់ខណ្ឌកំបូល ដោយមានប្រវែងប្រមាណជាង7000m ទទឺង6m .រហូតមកដល់សព្វថ្ងៃនេះ ក្រោយពីមានវត្តមានលោក ធឹម សំអាន អភិបាលនៃគណៈអភិបាលខណ្ឌព្រែកព្នៅ លោកបានស្នើសុំ ដល់ថ្នាក់លើដើម្បីពង្រីកផ្លូវនេះអោយបានធំទូលាយជាងមុន។ក្នុងនោះផងដែរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ លោកក៏បានយល់ព្រម ដោយតំណាក់កាលទី១ ចាប់ពីផ្លូវ លេខ១៥១ រហូតដល់សាលាបឋមសិក្សា បឹងប្រិយ៍ ដែលបានពង្រីកផ្លូវសងខាង2mម្ខាង ចាក់បេតុងឆ្អឹងដែក កំរាស់1តឹកកន្លះ ។
នាពេលបន្តទៀតនេះ នៅតំណាក់កាលទី២ ចាប់ពីសាលាបឋមសិក្សាបឹងប្រិយ៍ រហូតដល់ព្រំប្រទល់ខណ្ឌកំបូល និងបំពាក់អំពូល ភ្លើង សូឡា បំភ្លឺតាមផ្លូវជូនបងប្អូនប្រជាពលរដ្ឋថែមទៀតផង។
ជាចុងក្រោយបងប្អូនប្រជាពលរដ្ឋដែលរស់នៅតាមបណ្ដោយផ្លូវលេខ៤២ ដែលស្ថិតនៅក្នុងសង្កាត់ពង្សាំងនឹងខណ្ឌព្រែកព្នៅ សុំថ្លែងអំណរគុណ ជាខ្លាំងដល់ឯកឧត្តម ឃួង ស្រេង អភិបាលរាជធានីភ្នំពេញ និងលោក ធឹម សំអាន អភិបាលខណ្ឌព្រែកព្នៅដែលបានជួយកសាងពង្រីកផ្លូវជូនពួកគាត់ និងសុំសូមគោរពជូនពរដល់លោកទាំង២មានសុខភាពល្អ អាយុវណ្ណៈ សុខ: ពល: កុំបីឃ្លៀងឃ្លាតឡើយ៕
