ខេត្តកណ្តាល ៖ នៅវេលាម៉ោង១៨និង៤០នាទី ថ្ងៃអាទិត្យ 13រោច ខែមិគសិរ ឆ្នាំជូត ទោសក័ ពុទ្ធសករាជ ២៥៦៤ត្រូវនឹងថ្ងៃទី១៣ ខែធ្នូ ឆ្នាំ២០២០ សមត្ថកិច្ចក្រុងតាខ្មៅធ្វើកាឃាត់ខ្លួនលោក យ៉ែម ទី ភេទប្រុស អាយុ ២៣ឆ្នាំ មានទីលំនៅភូមិសមាគមន៏ ឃុំក្រែក ស្រុកពញាក្រែក ខេត្តត្បូងឃ្មុំ ជាអ្នកបើកបររថយន្តសាំយ៉ុង វ៉ាជែងខុសបញ្ចេកទេស ចូលចំណែកផ្លូវរបស់ម៉ូតូ បណ្ដាលឲ្យបុកស្លាប់ប្រុស ០១ នាក់ ក្រោយពីបង្ករហេតុ ត្រូវបានសមត្ថកិច្ចក្រុងតាខ្មៅធ្វើការឃាត់ខ្លួនជនបង្ករភ្លាមៗ។
ករណីនេះកើតឡើងត្រង់ចំណុចខាងមុខផ្ទះ ស៊ុយ ពៅ កាត់កញ្ចក់ លើផ្លូវ១១៥ ស្ថិតនៅភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
បើយោងតាមការបញ្ជាក់ពីលោក យី វណ្ណដា អធិការក្រុងតាខ្មៅបានប្រាប់ថាៈ មុនពេលកើតហេតុមានរថយន្តមួយគ្រឿងម៉ាកSAM YONG ISTANA(សាំយ៉ុង) ពណ៌ស ពាក់ស្លាកលេខ ព្រះសីហនុ 2A-6774 បើកបរដោយឈ្មោះ យ៉ែម ទី ភេទប្រុស អាយុ ២៣ឆ្នាំ មានទីលំនៅភូមិសមាគម ឃុំក្រែក ស្រុកពញាក្រែក ខេត្តត្បូងឃ្មុំ (ឃាត់ខ្លួន) រថយន្តបើកក្នុងទិសដៅពី លិច ទៅ កើត មកដល់ចំណុចកើតហេតុខាងលើ ក៏បានបុកជាមួយម៉ូតូម៉ាក SUZUKI LETS ពណ៌ស ពាក់ស្លាកលេខ ភ្នំពេញ 1HE-9186 (ពាក់មួកសុវត្ថិភាព និងមានកញ្ចក់មើលក្រោយ) អ្នកបើកម៉ូតូឈ្មោះជិន មករា ភេទប្រុស អាយុ៤០ឆ្នាំ មានទីលំនៅ ផ្ទះ៨០ ផ្លូវលំ ភូមិធម្មត្រ័យ សង្កាត់ព្រៃស ខណ្ឌដង្កោ រាជធានីភ្នំពេញ(ស្លាប់នៅកន្លែងកើតហេតុ សពត្រូវបានយកទៅតម្កល់ទុកនៅវត្តព្រែកសំរោង ដើម្បីរងចាំសាច់ញាតិយកទៅធ្វើបុណ្យតាមប្រពៃណី ) ម៉ូតូបើកក្នុងទិសដៅពី កើត ទៅ លិច (បញ្ច្រាស់ទិសគ្នា) ចំពោះមធ្យោបាយដែលពាក់ព័ន្ធបានយកមករក្សាទុកបណ្ដោះអាសន្ននៅអធិការដ្ឋានដើម្បីចាត់ការតាមតិវិធី ៕
គេហទំព័រ រដ្ឋាអភិវឌ្ឍន៍ ញូយ៏
«សូម មេត្តាចូលរួមគោរពច្បាប់ចរាចរណ៍ទាំងអស់គ្នា ថ្ងៃនេះថ្ងៃស្អែកកុំអោយមានគ្រោះថ្នាក់ចរាចរណ៍»
