ចេញផ្សាយថ្ងៃពុធ ទី០៨ ខែវិច្ឆិកា ឆ្នាំ២០២៣
ខេត្តពោធិ៍សាត់៖ប្រជាពលរដ្ឋ រស់នៅក្នុងភូមិឃុំចំនួន២
១.ភូមិកំពង់ហ្លួង ឃុំកំពង់ហ្លួង ស្រុកក្រគរ ខេត្តពោធិ៍សាត់ ។
២.ភូមិកំពង់លើក ឃុំក្បាលត្រាច ស្រុកក្រគរ ខេត្តពោធិ៍សាត់ ។
មានកាអស់សង្ឃឹមយ៉ាងខ្លាំង ទៅលើមន្រ្តីពាក់ពន្ធ័ ដែលបណ្តោយអោយក្រុមឈ្មួញ ធ្វើព្យុះធ្វើភ្លៀងបានតាមចិត្ត មិនឃើញមានការទុបស្កាត់ ទោះបីអង្គភាពសារព័ត៌មានជាច្រើនបានធ្វើការចុះផ្សាយយ៉ាងណាក៏ដោយ។
ពលរដ្ឋបន្តទៀតថា៖ដោយសារតែសកម្មភាពបទល្មើសកាវលៀសដែលប្រើម៉ាស៊ីនកាណូតធំៗ នៅក្នុងភូមិឃុំទាំង២ ក្នុងស្រុកក្រគរ ខេត្តពោធិ៍សាត់ មិនចេះឈប់តាំងពី រដូវបិទនេសាទរហូតដល់រដូវបើកនេសាទជារៀងរាល់ឆ្នាំ មិនដែលឃើញនាយសង្កាត់នាយផ្នែក ប្រធានមន្ទីរកសិកម្មរុក្ខាប្រមាញ់និងនេសាទខេត្តពោធិ៍សាត់
ធ្វើការបង្ក្រាបនោះទេ ដូច្នេះមហាជនដែលស្នេហាទៅលើធនធានធម្មជាតិ មើលទៅវាបានធ្វើឲ្យប៉ះពាល់ ត្រីដែលពងកូននៅហ្នឹងដីជាច្រើនប្រភេទ នៅពេលដែលទូកលៀសកាយឬរុញគឺមានការប៉ះពាល់ធ្ងន់ធ្ងរណាស់ ។
មេឈ្មួញដែលផ្ដល់មធ្យោបាយឲ្យទៅក្រុមដែលប្រព្រឹត្តបទល្មើសនេសាទកាយលៀសនោះ មួយឈ្មោះតា ម៉ុង ពីឈ្មោះចែ វន្នី
ដែលកំពុងតែឈរជើងប្រមូលទិញនៅក្នុងភូមិកំពង់ហ្លួង ឃុំកំពង់ហ្លួងស្រុកក្រគរ ខេត្តពោធិ៍សាត់ ឈ្មួញពីរនាក់នេះបានផ្ដល់មធ្យោបាយគ្រប់បែបយ៉ាងដើម្បីឲ្យក្រុមល្មើសធ្វើសកម្មភាពកាវលៀសយកមកលក់ឲ្យខ្លួនវិញ ប្រភពបានបន្តទៀតថា ទិញស្រង់ពីក្នុងទឹកគឺឈ្មួញទាំងពីរដែលមានឈ្មោះខាងលើ ហើយលក់ឱ្យទៅឈ្មោះតាបៀង ដឹកបន្តតាមរយៈឡានវេអង្គ និងយាយឌុប
ឆ្លងដែនទៅលក់នៅប្រទេសវៀតណាមឯណោះ។ព្រោះតែអាហារបីពេលរបស់តា ម៉ុង និងចែ វន្នី ពិតជាឆ្ងាញ់ពិសារមែន បានធ្វើឲ្យនាយសង្កាត់ នាយផ្នែក ប្រធានមន្ទីរស្ថាប័នពាក់ព័ន្ធងាកខ្លួនមិនរួច កើតជាជំងឺស្ពឹកដៃ ស្ពឹកជើង អស់ហើយ។
ប្រជាពលរដ្ឋនិងមហាជនដែលមានការសោកស្ដាយទៅលើសម្បត្តិធនធានធម្មជាតិ និងជីវៈចម្រុះនៅក្នុងបឹងទន្លេសាប សូមគោរពសំណូមពរទៅឯកឧត្តមឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងឯកឧត្តមអភិបាលនៃគណៈអភិបាលខេត្តពោធិ៍សាត់ មេត្តាចាត់វិធានការមកលើក្រុមឈ្មួញនិងជំនាញពាក់ព័ន្ធឈរជើងនៅលើទឹកដី ស្រុកក្រគរខាងលើនេះតើគាត់រវល់ធ្វើអ្វីដែរ បានជាបណ្តែតបណ្តោយ អោយក្រុមឈ្មួញទាំងនេះ ដឹកជញ្ជូនសលៀស បានរលូននេះផងទាន ៕(នៅមានត)
អង្គភាពអ្នកសារព័ត៌មានយើងខ្ញុំផ្សព្វផ្សាយគ្រាន់តែជាកញ្ចក់ឆ្លុះបញ្ចាំង រិះគុនក្នុងន័យស្ថាបនា ចូលរួមចំណែកជាមួយរាជរដ្ឋាភិបាល។ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័នឹងសាមីខ្លួន រៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
