បងប្អូនប្រជាពលរដ្ឋ
ប្រមាណ៣២គ្រួសារ ពិតជាអស់សង្ឃឹមខ្លាំងណាស់។
សង្សយ័លោកស្រី ប៉ូច ធីតា មានអំណាចបារមី ខ្លាំងណាស់ហើយមើលទៅ!! ទើបហ៊ានប្រឆាំងសេចក្តីសំរេចរបស់រដ្ឋបាលខណ្ឌមានជយ័ ដោយបានបញ្ជាអោយរុះរើចំនួនដល់ទៅ២ដង ទៅហើយនោះ ដោយមិនខ្លាចញញើតអ្វីទាល់តែសោះ!!។
យោងតាមបងប្អូនប្រជាពលរដ្ឋប្រមាណ៣២គ្រួសារ បានអោយដឹងថា៖
ដីប្រឡាយទឹករបស់ពួកគាត់ បានចាត់ទុកជាទ្រព្យសម្បត្តិរបស់រដ្ឋ កាលពីថ្ងៃទី២៥ ខែមិថុនាឆ្នាំ២០១៣ ដោយប្រធានគណ:កម្មការសុរិយោដីរាជធានីភ្នំពេញ ឯកឧត្តម ប៉ា សុជាតិវង្ស ព្រមទាំងមានការទទួលស្គាល់ប្រធានគណ:កម្មការសុរិយោដីថ្នាក់ជាតិ ចុះថ្ងៃទី៣១ខែឧសភាឆ្នាំ២០១៦ ដោយឯកឧត្តម ជា សុផារ៉ា.
ជាពិសេសមានការទទួលស្គាល់ពីតុលាការ ចុះថ្ងៃទី២៧ខែធ្នូឆ្នាំ២០១៧ ដោយលោកចៅក្រម រស់ ពិសិដ្ឋ និងលោកក្រឡាបញ្ជី ឃុត សុនិតា ផងដែរ។
ដោយមើលឃើញពីមានការលួចសាងសង់របស់ លោកស្រី ប៉ូច ធីតា ដែលលួចសាងសង់ក្នុងកំឡុងពេលយុទ្ធនាការបោះឆ្នោតថ្នាក់ជាតិ។ នោះទើបលោក អភិបាលខណ្ឌមានជយ័ ហែម ដារិទ្ធ ក៏បានចេញសេក្តីប្រកាសចំនួន២ដងដោយ
លើកទីមួយនាថ្ងៃទី០២ខែសីហាឆ្នាំ២០២៣
លើកទីពីរ នាថ្ងៃទី០៧ខែសីហាឆ្នាំ២០២៣ ប៉ុន្តែលោកស្រី ប៉ូច ធីតា ធ្វើព្រងើយមិនស្តាប់តាមការណែនាំរបស់រដ្ឋបាលខណ្ឌ មានជយ័ឡើយ។
រហូតមកដល់សព្វថ្ងៃនេះក្តីសង្ឃឹមរបស់បងប្អូនប្រជាពលរដ្ឋត្រូវ រលាយអស់ សូម្បីតែសេចក្តីជូនដំណឹងរបស់រដ្ឋបាលខណ្ឌមានជ័យ ក៏លោកស្រីមិនខ្លាចដែរនោះ។
ជាចុងក្រោយនេះគឺមាន សុំណូមពរដល់ សម្តេចមហាបវរធិបតី ហ៊ុន ម៉ាណែត នារដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ សុំមេត្តាជួយរកដំណោះស្រាយជូនបងប្អូនប្រជាពលរដ្ឋប្រមាណ៣២ គ្រួសារដោយយកដីដែលលោកស្រី ប៉ូវ ធីតា លួចសាងសង់នោះទុក ជាទ្រព្យសម្បត្តិរដ្ឋ ដោយក្តីអនុគ្រោះផងទាន។
