ចេញផ្សាយថ្ងៃសុក្រទី៩ខែធ្នូឆ្នាំ២០២២
ខេត្ដស្វាយរៀង៖ប្រភពពីប្រជាពលរដ្ឋបានអោយដឹងថា ហ្គេមអនឡាញ នៅក្រុងបាវិត កំពុងបើកដំណើរការជារៀងរាល់ថ្ងៃ ដោយប្រមូលផ្ដុំមនុស្សយ៉ាងច្រើនកុះករសុទ្ធតែកូនៗប្រជាពលរដ្ឋខ្មែរចូលលេង ដោយមិនឃើញ អជ្ញាធរនិងសមត្ថកិច្ចពាក់ពន្ធ័ធ្វើការបង្ក្រាបឡើយ។
ប្រភពបានបន្តថា ចំពោះទីតាំងមួយនេះបានបើកលេងជារាល់ថ្ងៃ ក្រោយពីស្ងប់ស្ងាត់មួយរយៈខ្លីនេះមក គាត់បានឃើញក្មេងៗចូលលេងយ៉ាងពពាក់ពពូនដោយមិនញញើតនិងអាជ្ញាធរមានសមត្ថកិច្ចនៅក្នុងមូលដ្ឋានសោះឡើយ ។
ចំណែកអាជ្ញាធរនិងសមត្ថកិច្ច វិញ ហាក់សំងំស្ងៀម ដូចជាមិនគោរពបទបញ្ជារបស់សម្តេច តេជោ ហ៊ុន សែន នាយករដ្ឋមន្ត្រីនៃព្រះរាជ ណាចក្រកម្ពុជា ស្តីពីការទប់ស្កាត់និងបង្ក្រាបបទល្មើសល្បែងស៊ីសងគ្រប់ប្រភេទ ទូទាំងប្រទេស កាលពីពេល កន្លងទៅថ្មីៗ ។
ប្រជាពលរដ្ឋ បានដាក់ការសង្ស័យថា អាជ្ញាធរមានសមត្ថកិច្ច នៅមូលដ្ឋានអាចត្រូវថ្នាំសណ្តំរបស់ម្ចាស់ទីតាំងទាំងនោះហេីយមេីលទៅ ទេីបរក្សាភាពស្ងៀមស្ងាត់មិនបង្ក្រាប ។
សូមរំលឹកថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗនេះ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់អោយខាងតែបាន សម្តេចតេជោហ៊ុនសែន បានបញ្ជាក់យ៉ាងច្បាស់ថា អាជ្ញាធរស្រុក ក្រុង ខេត្តណា ដែលមិនទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។
ប៉ុន្តែនៅក្រុងបាវិតវិញ ក្រោមការគ្រប់គ្រង របស់លោកលឹម សៀងហេង អភិបាលក្រុងបាវិត និងលោក អែម សុវណ្ណារិទ្ធ អធិការក្រុងបាវិត នៅមិនទាន់មាន វិធានការណ៍ ផ្លូវច្បាប់ ទៅលើម្ចាស់បនល្បែងហ្គេមអនឡាញ នេះនៅឡេីយទេ ដែលផ្គេីនទៅនិងបទបញ្ជារបស់សម្ដេច នាយករដ្ឋមន្ត្រី ។
ជុំវិញករណីនេះដែរលោកឯម សុវណ្ណារិទ្ធ អធិការនគរបាលក្រុងបាវិតបានប្រាប់មកអង្គភាពសារព័ត៌មានយើងថា ចំពោះទីតាំងនេះគឺគ្រប់គ្រងដោយកាស៊ីណូដូច្នេះសួរទៅ ប៉ុលិសគ្រប់គ្រងសេដ្ឋកិច្ច ទៅបានដឹង ព្រោះហួសដែនសមត្ថកិច្ចរបស់លោកគ្រប់គ្រងហើយ ពាក់ព័ន្ធករណីក្រោមការគ្រប់គ្រងរបស់កាស៊ីណូនេះ។
ទោះជាយ៉ាងណាក្ដីបងប្អូនប្រជាពលរដ្ឋ សំណូមពរដល់អាជ្ញាធរពាក់ព័ន្ធទាំងអស់មេត្តាមានវិធានការបង្ក្រាបនូវល្បែងសុីសងហ្គេមអនឡាញទាំងនេះផង បងប្អូនប្រពលរដ្ឋមានសង្ឃឹមជឿជាក់លើកឯកឧត្តមម៉ែន វិបុល អភិបាលខេត្តស្វាយរៀងនិង លោកឧត្ដមសេនីយ៍ត្រី ពេជ្រ វីរៈ ស្នងការខេត្ដស្វាយរៀង លោកតែងតែដោះស្រាយរាល់បញ្ហាប្រឈមនានាជូនពលរដ្ឋកន្លងមក ពួកគាត់ សង្ឈឹមយ៉ាងមុតមាំលើលោកទាំងទ្វេរនិងមានចំណាត់ការចំពោះករណីនេះដើម្បីឲ្យស្របតាមគោលនយោបាយភូមិ ឃុំ សង្កាត់ មានសុវត្ថិភាព ។
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិត សុក្រឹតនិងយុត្តិធម៌តែប៉ុណ្ណោះ សូមអរគុណ!!!
