(បាត់ដំបង)÷នៅថ្ងៃទី២៧ ខែឧសភា ឆ្នាំ២០២៥ វេលាម៉ោង ១០:១៥នាទី នៅចំណុចក្រុមទី០១ ភូមិទួលធ្នង់ ឃុំព្រៃស្វាយ ស្រុកមោងប្ញស្សី ខេត្តបាត់ដំបង ស្របតាម យោបល់ដឹនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង និងដោយមានការអនុញ្ញាតិពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន និងលោកវរ:សេនីយ៍ឯក ស គឹមឡុង អធិការនៃអធិការដ្ឋាននគរបាលស្រុកមោងប្ញស្សី បានដឹកនាំកម្លាំងជំនាញចុះបង្ក្រាបបានករណី រក្សាទុក ជួញដូរ ប្ញដឹកជញ្ជូនដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង និងឃាត់ខ្លួនជនសង្ស័យបានចំនួន០១នាក់គឺៈ
១-ឈ្មោះ ប៉េង ចន្ថា ហៅ ទក់ ភេទប្រុស អាយុ២៧ឆ្នាំ មានទីលំនៅ ភូមិទួលធ្នង់ ឃុំព្រៃស្វាយ ស្រុកមោងប្ញស្សី ខេត្តបាត់ដំបង ។
-*វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិចពណ៌សថ្លាចំនួន០៣ថង់ សង្ស័យមានសារធាតុញៀន
-ជញ្ជាីងសម្រាប់ថ្លឹងថ្នាំញៀន ចំនួន ០១គ្រឿង
-ឧបករណ៍កែឆ្នៃសម្រាប់ជក់ថ្នាំញៀនចំនួន០១
-ទូរស័ព្ទដៃចំនួន ០២គ្រឿង
ជនសង័្សយនិងវត្ថុតាង បច្ចុប្បន្នបាននឹងកំពុងរៀបចំសំណុំរឿងបញ្ជូនតាមនីតិវិធីផ្លូវច្បាប់៕ដោយ۔យ៉ន់ សីហា
