រដ្ឋបាលខេត្តព្រះវិហារ រៀបចំពិធីប្រគល់ ទទួល និងជូនដំណេីរអដ្ឋិធាតុយុទ្ធជនពលីកងទ័ពស្ម័គ្រចិត្តវៀតណាម ធ្វេីមាតុភូមិនិវត្តន៍លេីកទី២១ សម្រាប់រដូវប្រាំង ឆ្នាំ២០២៤-២០២៥ ក្រោមអធិបតីភាព ឯកឧត្តម ប្រាក់ សុវណ្ណ ប្រធានក្រុមប្រឹក្សាខេត្ត និងឯកឧត្តម គីម រិទ្ធី អភិបាលខេត្តព្រះវិហារ។

ពិធីនេះក៏មានការចូលរួមពីលោកជំទាវ ង្វៀន ធឺថាញ់លិច អនុប្រធានគណៈកម្មាធិការប្រជាជនខេត្តយ៉ាឡាយ និងជាប្រធានគណៈកម្មការអដ្ឋិធាតុខេត្តយ៉ាឡាយ (វៀតណាម) និងប្រតិភូអមដំណើរ ព្រមទាំងឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំមន្ទីរអង្គភាព ជុំវិញខេត្ត កងកម្លាំងទាំងបី មន្ត្រីរាជការ លោកគ្រូ អ្នកគ្រូ សិស្សានុសិស្ស យុវជនកាយរិទ្ធ ស.ស.យ.ក យុវជនកាកបាទក្រហម និងអ្នកពាក់ព័ន្ធជាច្រើនរូបទៀត។

ពិធីនេះបានប្រព្រឹត្តទៅនៅរសៀលថ្ងៃទី១៣ ខែឧសភាឆ្នាំ២០២៥ នៅស្តូបគោរពវិញ្ញាណក្ខន្ធវីរយុទ្ធជន យុទ្ធនារី កម្ពុជា-វៀតណាម ស្ថិតនៅក្នុងភូមិស្រះឈូក សង្កាត់ កំពង់ប្រណាក ក្រុងព្រះវិហារ ខេត្តព្រះវិហារ៕ដោយ ខៀវ  ផល្លា​