ខេត្តកណ្តាល៖បុរសម្នាក់ត្រូវបានកម្លាំងជំនាញសមត្ថកិច្ចស្រុកល្វាឯមឃាត់ខ្លួនពីបទបំភ្លេចបំផ្លាញទ្រព្យសម្បត្តិហេតុការណ៍នេះថ្ងៃទី០៥ ខែមីនា ឆ្នាំ២០២២ វេលាម៉ោង១៥:៣០នាទី ចំណុច ផ្ទះជនរងគ្រោះឈ្មោះសួង ទូច ភូមិតាជោ ឃុំសារិកាកែវ ស្រុកល្វាឯម ខេត្តកណ្ដាល។
សមត្ថកិច្ចឃាត់ខ្លូនជនសង្ស័យ ឈ្មោះទូច មករា ហៅលុក ភេទប្រុស អាយុ២២ឆ្នាំ ជនជាតិ ខ្មែរ មុខរបរ មិនពិតប្រាកដ
ទីលំនៅ ភូមិតាជោ ឃុំសារិកាកែវ ស្រុកល្វាឯម ខេត្តកណ្តាល (ឃាត់ខ្លួន)ត្រូវជាកូនបង្កើតជនរងគ្រោះ។
សម្ភារៈខូចខាង
១-បែកពាងទឹកចំនួន០២
២-តុដែកចំនួន ០២
៣-ធុងទឹកកកចំនួន០១
៤-កោតដាក់ធាតុចំនួន០១
៥-ឆ្នាំងចំនួន០១
៦-ឆ័ត្រធំចំនួន០១
វត្ថុតាងចាប់យក៖
កាំបិតផ្គាក់ផ្លែដែកបាក់ដងចំនួន០១
សភាពរឿងហេតុកន្លងមកជនសង្ស័យឈ្មោះ ទូច មករា ហៅលុក ជាជនញៀនថ្នាំញៀនហើយត្រូវបានឪពុកម្ដាយបង្កើតយកទៅដាក់មណ្ឌលអប់រំកែប្រែបន្សាបគ្រឿងញៀនឱកាសខ្ញុំនៅរាជធានីភ្នំពេញបានរយៈពេល ០៥ខែមកហើយ
នៅថ្ងៃទី០៥.០៣.២០២២ ឈ្មោះសួង ទូចត្រូវជាឪពុកបង្កើតជនសង្ស័យបានប្រើកូនស្រីឈ្មោះទូច កក្កដា យកថ្នាំជំនួយខួរក្បាលទៅឱ្យជនសង្ស័យដែលនៅក្នុងមណ្ឌលឱកាសខ្ញុំនោះ ពេលទៅដល់ក៏ត្រូវខាងមណ្ឌលបន្សាបគ្រឿងញៀនឱកាសខ្ញុំបានឲ្យជនសង្ស័យវិលត្រឡប់មកផ្ទះវិញ លុះជនសង្ស័យបានមកដល់ផ្ទះនៅវេលាម៉ោងថ្ងៃខែឆ្នាំកើតហេតុខាងលើកក៏បានធ្វើសកម្មភាពរករឿងឪពុកម្ដាយហើយបានយកកាំបិតផ្គាក់វាយកាប់បំផ្លាញសម្ភារៈក្នុងផ្ទះដូចជាពាងឆ្នាំងនឹងកោតដាក់ធាតុថែមទាំងដុតឆាត់ធំបណ្ដាលឱ្យឆាបឆេះនិងគំរាមប្រើហិង្សាទៅលើឪពុកម្ដាយបង្កើតថែមទៀត ឃើញដូច្នោះជនរងគ្រោះជាឪពុកមានការភ័យខ្លាចក៏ជិះម៉ូតូទៅប្ដឹងសមត្ថកិច្ចតែម្ដង ។
បច្ចុប្បន្នជនសង្ស័យបាននាំមកអធិការដ្ឋាននគរបាលស្រុកល្វាឯមដើម្បីបន្តចាត់ការតាមនីតិវិធី ។
