ភ្នំពេញ៖ ថ្ងៃ អាទិត្យ ៨រោច ខែទុតិយាសាឍ ឆ្នាំឆ្លូវ ត្រីសក័ ពុទ្ធសករាជ ២៥៦៥ ត្រូវនឹងថ្ងៃទី០១ ខែសីហា ឆ្នាំ២០២១
។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានគូសបញ្ជាក់ថា រាល់មន្ទីពេទ្យរដ្ឋទាំងអស់មិនត្រូវយកថវិកាពីប្រជាពលដ្ឋសម្រាប់ការធ្វើតេស្តស្វែងរកជំងឺកូវីដ១៩នោះទេ និងបញ្ជាឱ្យក្រសួងសុខាភិបាលពិនិត្យចំពោះការធ្វើតេស្តរបស់មន្ទីពេទ្យឯកជនក្នុងការយកតម្លៃខ្ពស់
។
ថ្លែងក្នុងពិធីបើកយុទ្ធនាការចាក់វ៉ាក់សាំងបង្ការជំងឺកូវីដ១៩ សម្រាប់កុមារនិងយុវវ័យ ចាប់ពីអាយុ១២ឆ្នាំ ដល់ក្រោម១៨ឆ្នាំនាព្រឹកថ្ងៃទី០១ ខែសីហា ឆ្នាំ២០២១ នៅវិមានសន្ដិភាព សម្ដេចតេជោ ហ៊ុន សែន បានថ្លែងថា «ខ្ញុំសូមបញ្ជាក់ថាមន្តីពេទ្យរដ្ឋមិនត្រូវយកប្រាក់ជាដាច់ខាត់ចំពោះប្រើប្រាស់ឧបករណ៍តេស្តរស្វែងរកជំងឺកូវីដ១៩របស់រដ្ឋទៅធ្វើតេស្តចំពោះពលរដ្ឋជាដាច់ខាត។ កន្លងមកខ្ញុំមិនអនុញ្ញាតឱ្យរកប្រាក់ទេ សូម្បីតែជនប រទេសយើងទទួលការព្យាបាលមិនយកប្រាក់នោះទេ»។ សម្តេចតេជោក៏បានលើកឡើងពីករណីមន្ទីពេទ្យឯកជនការធ្វើតេស្តស្វែងរកកូវីដ១៩រកប្រាក់ជារឿងរបស់គេ។ ទន្ទឹមនេះ សម្ដេចតេជោក៏បានឱ្យ ក្រសួងសុខាភិបាល ពិនិត្យមើលជាបន្ទាន់ នូវសេវាធ្វើតេស្ដរកមេរោគកូវីដ១៩ ដែលមានតម្លៃខ្ពស់ នៅតាមមន្ទីរពេទ្យឯកជនមួយចំនួនផងដែរ។ ពាក់ព័ន្ធករណីធ្វើតេស្ដនេះផងដែរ សម្ដេចតេជោនាយករដ្ឋមន្រ្តីបានថ្លែងបញ្ជាក់ថា រដ្ឋមិនយកលុយ ពីប្រជាពលរដ្ឋជាដាច់ខាត ចំពោះអ្នកដែលបានទៅធ្វើតេស្ដនៅតាមបណ្ដាពេទ្យរដ្ឋ
។
សម្ដេចតេជោក៏បានបន្ថែមថា «ខ្មែរក្រ តែខ្មែរមានចិត្ត»។ ក្នុងន័យនេះ សម្ដេចតេជោថា ការចាក់វ៉ាក់សាំង ជូនប្រជាពលរដ្ឋខ្មែរ និងជនបរទេស ហើយការព្យាបាលជំងឺកូវីដ១៩ ការធ្វើតេស្ដរកមេរោគកូវីដ១៩ គឺមិនយកលុយនោះទេ៕
