ភ្នំពេញ៖ថ្ងៃសៅរ៍ ៧រោច ខែទុតិយាសាឍ ឆ្នាំឆ្លូវ ត្រីសក័ ពុទ្ធសករាជ ២៥៦៥ ត្រូវនឹងថ្ងៃទី៣១ ខែកក្កដា ឆ្នាំ២០២១
។
គណៈបញ្ជាការឯកភាពរាជធានីភ្នំពេញ បានអនុវត្តន៍ការផាកពិន័យចំពោះអ្នកល្មើសបម្រាមគោលចរពាក់ព័ន្ធនឹងការបិទខ្ទប់រាជធានីភ្នំពេញចាប់ពីម៉ោង៩យប់ ដល់ម៉ោង៣ភ្លឺ ដោយអនុវត្ដន៍ចាប់ពីយប់ថ្ងៃទី៣០ ខែកក្កដា ឆ្នាំ ២០២១នេះទៅ និងអនុវតន៍យ៉ាងម៉ឺងម៉ាត់បំផុតគ្មានការលើកលែងឡើយ ហើយបើល្មើសធ្ងន់ធ្ងរអាចបញ្ជូនទៅកាន់សាលាដំបូង រាជធានីភ្នំពេញចាត់ការបន្តទៀត។ ចំពោះអ្នកល្មើសទៅនឹងបម្រាមគោលចរនេះ ត្រូវផាកពិន័យធ្ងន់ធ្ងរ សម្រាប់ម៉ូតូ២០ម៉ឺន រថយន្ត ១លានរៀល។ នេះបើតាមការបញ្ជាក់របស់ ឯកឧត្ដម ឃួង ស្រេង អភិបាលរាជធានីភ្នំពេញ កាលពីរាត្រីថ្ងៃទី៣០ ខែកក្កដា ឆ្នាំ២០២១ ដែលបានចុះពិនិត្យគោលដៅ នៅក្នុងខណ្ឌស្សីកែវ ខណ្ឌទួលគោក ខណ្ឌចំការមន ខណ្ឌមានជ័យ ខណ្ឌពោធិ៍សែនជ័យ និងខណ្ឌសែនសុខ និងតាមគោលដៅត្រួតពិនិត្យមួយចំនួន នៅក្នុងភូមិសាស្ត្ររាជធានីពេញដើម្បីជំរុញឱ្យសមត្ថកិច្ច និងអាជ្ញាធរខណ្ឌអនុវត្តន៍ការងារនេះ ឱ្យបានម៉ឹងម៉ាត់ និងមានប្រសិទ្ធភាព
។
ឯកឧត្ដម ឃួង ស្រេង បានមានប្រសាសន៍ថា ការអនុវត្តនូវវិធានការ ដោយបិទបម្រាមគោចរខាងលើនេះធ្វើឡើងក្នុងគោលបំណងដើម្បីទប់ស្កាត់ឱ្យបាននូវការរីករាលដាលជំងឺកូវីដ-១៩ ពិសេសកូវីដបំប្លែងថ្មីដែលតា។ ឯកឧត្ដមបានបញ្ជាក់ថា ដោយមានការយកចិត្ដទុកដាក់គិតពីសុខភាព និងអាយុជីវិតបងប្អូនប្រជាពលរដ្ឋ ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានចេញសេចក្តីសម្រេច បិទខ្ទប់ខេត្តចំនួន៨រួចហើយ ដើម្បីកុំឱ្យមានការរីករាល ដាលនៃជំងឺកូវីដបំលែងថ្មីនេះ
។
ឯកឧត្ដមបានបន្ដថា រដ្ឋបាលរាជធានីភ្នំពេញក៏បានសម្រេចបិទបម្រាមគោចរចាប់ពីម៉ោង ០៩យប់ ដល់ម៉ោង ៣ភ្លឺ ផងដែរ ដើម្បីរក្សាអាយុជីវិតបងប្អូនប្រជាពលរដ្ឋ ខណៈដែលជំងឺនេះ បាននិងកំពុងរីករាលដាល យ៉ាងខ្លាំង គួរឱ្យព្រួយបារម្ភ
។
ឯកឧត្ដមអភិបាលរាជធានីភ្នំពេញបានលើកឡើងថា ចំពោះបងប្អូនប្រជាពលរដ្ឋដែលល្មើសនឹងបម្រាមនេះនឹងត្រូវផាកពិន័យយ៉ាងធ្ងន់ធ្ងរបំផុត ក្នុងនោះ សម្រាប់ម៉ូតូ គឺត្រូវផាកពិន័យចំនួន២០ម៉ឺនរៀ
។
ចំណែកឯរថយន្តត្រូវផាកពិន័យចំនួន១លានរៀល ហើយគោលដៅដែលដាក់ត្រួតពិនិត្យក្នុងមួយខណ្ឌៗ មានចំនួន២គោលដៅ សរុប១៤ខណ្ឌស្មើនឹង២៨ គោលដៅ ។ ប៉ុន្តែអាចមានចំនួនលើសពីនេះ ដោយខណ្ឌនីមួយៗ មានបន្ថែមបន្ថែមគោល ដៅទៀត។
