ខេត្តកណ្ដាល ៖ នៅព្រឹកថ្ងៃអង្គារ ១០កេីត ខែចេត្រ ឆ្នាំជូត ទោស័ក ពុទ្ធសករាជ ២៥៦៤ ត្រូវនិងថ្ងៃទី២៣ ខែមិនា ឆ្នាំ២០២១
ឯកឧត្តម នុត ពុធដារ៉ា អភិបាលរងខេត្តកណ្តាលតំណាងឯកឧត្តម គង់ សោភ័ណ្ឌ អភិបាលខេត្ត និងជាប្រធានគណៈកម្មាធិការខេត្តប្រយុទ្ធប្រឆាំងជំងឺកូវីដ-១៩ ខេត្ត បានអញ្ជេីញជួបសំណេះសំណាលសួរសុខទុក្ខបងប្អូនចំនួន៥៦នាក់ដែលគ្រប់ថ្ងៃត្រូវបានត្រលប់ទៅផ្ទះវិញក្រោយពីបានធ្វេីចត្តាឡីស័កនិងយកសំណាកអវិជ្ជមាន រយៈពេល១៤ថ្ងៃ នៅមណ្ឌលចត្តាឡីស័កស្រុក ស្ថិតនៅវិទ្យាល័យហ៊ុន សែន ពាមឧកញ៉ាអុង ។
ដោយមានការចូលរួមពីលោក កន សុខកាយ អភិបាលស្រុក និងជាប្រធានគណៈកម្មាធិការប្រយុទ្ធប្រឆាំងជំនឺកូវីដ-១៩ ស្រុកល្វាឯម បណ្តាលមន្ទីរពាក់ព័ន្ធ នាយកទីចាត់ការរដ្ឋបាលសាលាខេត្ត មន្ត្រីរាជការសាលាខេត្ត ស្នងការរងខេត្ត មេបញ្ជាការកងរាជអាវុធហត្ថខេត្ត អភិបាលរងស្រុក មេបញ្ជាការ មេបញ្ជាការរងកងកម្លាំងទាំងបីថ្នាក់ស្រុក ការិយាល័យ អង្គភាពជំនាញ មន្ត្រីរាជការសាលាស្រុក ព្រមទាំងអាជ្ញាធរភូមិ ឃុំ ពាក់ព័ន្ធ។
ក្នុងកាសំណេះសំណាលនេះផងដែរ ឯកឧត្តមគណៈធិបតីបាននាំយកប្រសាសន៍ផ្តាំផ្ញេីរសួរសុកទុក្ខ អំពីសំណាក់ឯកឧត្តមអភិបាលខេត្ត ព្រមទាំងសូមថ្លែងអំណរគុណចំពោះក្រុមការងាររបស់គណៈកម្មាធិការស្រុក ដែលបានលះបង់កម្លាំងកាយ ចិត្ត ដេីម្បីចូលរួមទប់ស្កាត់យ៉ាងសកម្ម នៃការីករាលដាលជំងឺកូវីដ-១៩ ក្នុងសហគមន៍ និងសូមថ្លែងអំណរគុណដល់បងប្អូនទាំងអស់ដែលបានសហការណ៍ជាមួយអាជ្ញាធរក្នុងការធ្វេីចត្តាឡីស័ករយៈពេល១៤ថ្ងៃ នៅក្នុងមណ្ឌលចត្តាឡីស័ក ក្នុងស្រុកល្វាឯម។
បន្ថែមពីនេះឯកឧត្តមគណៈធិបតី បានមានប្រសាសន៍ណែនាំ និងផ្តាំផ្ញេីរដល់បងប្អូនដែលគ្រប់រយៈពេលធ្វេីចត្តាឡីស័កនិងបានវិលត្រលប់ទៅផ្ទះក្តី សូមបន្តការអនុវត្តវិធាន ការ៣កុំ និង៣ការពារ ដោយ លាងដៃជាមួយទឹកអាកុល ពាក់មាស់ការពារ គម្លាតសង្គម និងមិនត្រូវនៅកន្លែងដែលបិទជិតគ្មានខ្យល់ចេញចូល ព្រមទាំងរស់នៅប្រកបដោយអនាម័យ។
ជាចុងបញ្ចប់នៃពិធីឯកឧត្តមគណៈធិបតី បានជូនអំណោយជាសម្ភារៈដែលបានមកពីការឧបត្ថម្ភដ៏ខ្ពង់ខ្ពស់ពីសំណាក់ ឯកឧត្តមអគ្គបណ្ឌិត សភាចារ្យ អូន ព័ន្ធមុនីរ័ត្ន ឧបនាយរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ប្រធានក្រុមការងាររាជរដ្ឋាភិបាលចុះជួយខេត្តកណ្តាល និងឯកឧត្ត គង់ សោភ័ណ្ឌ អភិបាលខេត្ត និងជាប្រធានគណៈកម្មាធិការខេត្តប្រយុទ្ធប្រឆាំងជំងឺកូវីដ-១៩ ព្រមទាំងសប្បុរសជនជិតឆ្ងាយ។
សម្ភារៈទទួលបានក្នុង១នាក់មាន អង្ករ២៥គឺឡូក្រាម មី១កេស ទឹកត្រី ទឹកស៉ីអ៉ីវ ត្រីខ ម៉ាស់ការពារ អាកុលសម្លាប់មេរោគ សាប៊ូលាងដៃ និងសម្ភារៈដំណេកមួយឈុត ព្រមទាំងថវិកា ១០ម៉ឺនរៀល។
បន្ទាប់ពីពិធីសំណេះសំណាលរួចរាល់ ឯកឧត្តម នុត ពុធដារ៉ា អភិបាលរងខេត្ត បានប្រគល់អំណោយជាមួយសម្ភារៈមួយចំនួនផ្សេងទៀត ដែលអំណោយរបស់អង្គការ (យូនីសេហ្វ) តាមរយៈមន្ទីរអភិវឌ្ឍន៍ជនបទខេត្តរួមមាន
ធុងទឹកចំណុះ២៥លីត្រ ១៥ធុង ទឹកអូសាវ៉ែលសម្លាប់មេរោគ ៧០ដប វ៉ែនតាការពារពិសេសចំនួន ២គ្រឿង ស្រោមដៃការពារ ស្បែកជេីងកវែង អាវការពារបុគ្គលិកពេទ្យ ចំនួន៤០អាវ ម៉ាស់ការពារ ៣០ប្រអប់ ទឹកបរិសុទ្ធ ៨កេស ព្រមទាំងសម្ភារៈប្រេីប្រាស់មួយចំនួនផ្សេងទៀត ជូនដល់គណៈកម្មាធិការប្រយុទ្ធប្រឆាំងជំងឺកូវីដ-១៩ ស្រុក ដើម្បីបែងចែកនិងប្រេីប្រាស់ប្រចាំថ្ងៃ។
ព្រមទាំងបន្តដំណេីរចុះត្រួតពិនិត្យក្រុមកាងារគ្រូពេទ្យរបស់មន្ទីរស្រុកប្រតិបត្តិ បន្តចាក់វ៉ាក់សាំងជូនដល់ប្រជាពលរដ្ឋដែលមានអាយុចាប់ពី ៦០ឆ្នាំឡេីងទៅ ស្ថិតក្នុងមន្ទីរពេទ្យបង្អែកស្រុកប្រតិបត្តិ ។
