ក្រោយពីលែងជឿ នៅការញ៉ុះញ៉ង់ តវ៉ាប្រឆាំងនឹងគោលនយោបាយ របស់រាជរដ្ឋាភិបាល ក៏ដូចជា សាលារាជធានីភ្នំពេញ លើការរកដំណោះស្រាយ ជូនបងប្អូនប្រជាពលរដ្ឋ ដែលរស់នៅតាមចិញ្ចើមផ្លូវសាធារណៈរបស់រដ្ឋ ដែលហៅថាសំណង់មិនរៀបរយ

ខណ្ឌព្រែកព្នៅ៖នាព្រឹកថ្ងៃអាទិត្យទី16ខែមិថុនាឆ្នាំ២០២៤

ដោយមានការណែនាំពី លោកធឹម សំអាន អភិបាលខណ្ឌនៃគណ:អភិបាលព្រែកព្នៅ លោក បានចាត់តាំង លោក នួន ប៊ុន ចៅសង្កាត់រងទី១ សង្កាត់សំរោង លោក ស្រេង វណ្ណៈ និងលោក សុខ បាន ដឹកនាំក្រុមការងារបានចុះមកជួយរុះរើផ្ទះនៅផ្លូវ១៥១ ភូមិសំរោងត្បូង សង្កាត់សំរោង ខណ្ឌព្រែកព្នៅ ចំនួន២ផ្ទះ គឺ ផ្ទះលេខ52 របស់ឈ្មោះ សឿន ស្រីសុទ្ឋ និងផ្ទះលេខ 56 របស់ឈ្មោះ ហេង ស្រីលាប ដែលយល់ព្រមស្ម័គ្រចិត្តព្រមទទួលយកនូវគោលនយោបាយជាមួយអាជ្ញាធរ  ដោយទទួលបាន ផ្ទះថ្ម១ល្វែង ទំហំ4.5m×18m ព្រមទាំងទឹកប្រាក់10.000$ មានប័ណ្ណកម្មសិទ្ធប្រើប្រាស់ អចលនវត្ថុ ស្របច្បាប់។

សុំគូសបញ្ជាក់ផងដែរថា កន្លងមកអជ្ញាធរមូលដ្ឋាន ដឹកនាំដោយលោក ធឹម សំអាន អភិបាលខណ្ឌព្រែកព្នៅ លោកតែងតែអំពាវនាវហើយ អំពាវនាវទៀត ដល់បងប្អូនប្រជាពលរដ្ឋ ដែលនៅសេសសល់ប្រមាណ ជិត30% .សុំអោយបងប្អូនប្រជាពលរដ្ឋ ឆាប់រួសរាន់មកទទួលគោលនយោបាយដែលរាជរដ្ឋាភិបាល ក៏ដូចជា សាលារាជធានីភ្នំពេញ លោកបានរៀបចំទុកជូន ពីព្រោះបើថ្ងៃណាមួយផុត ឱសានវាទ ហើយ គឺបងប្អូន មានការខាតបង់ជាច្រើន ។ហើយលោកក៏សុំអោយឈប់ជឿ លើការញ៉ុះញ៉ង់ របស់ ជនមួយក្តាប់តូច ព្យាយាមតវ៉ាប្រឆាំង ត ទៅទៀត ។ដោយសង្ឃឹមថា និងបានច្រើនជាងនេះបន្តទៀត គឺ មិនអាចទៅរួចនោះទេ។

ជាចុងក្រោយ លោក ធឹម សំអាន អភិបាលនៃគណៈអភិបាលខណ្ឌព្រែកព្នៅ លោកនៅតែរងចាំទទួលស្វាគមន៍ បើកទ្វារ ចំហរ ជានិច្ចនៅក្នុងការ មករកដំណោះស្រាយ ជូនបងប្អូន និងជាពិសេស លោកបានស្នើសុំដល់ប្រព័ន្ធផ្សព្វផ្សាយនានា ដែលមានចង្ងល់នានា សុំអញ្ជើញ មកសំភាសន៍ជួបជាមួយលោក ផ្ទាល់ នៅក្នុងសាលាខណ្ឌព្រែកព្នៅ ផ្ទាល់តែម្តង។ ចំពោះការcall និយាយតាមទូរស័ព្ទ លោក សុំអធ្យាស្រ័យ មិនអាចផ្តល់ពត៌មានជូនបានទេ។