រាជធានីភ្នំពេញ៖សុំរលឹកផងដែរថា កាលពីថ្ងៃព្រហស្បតិ៍ ទី១៣ ខែមិថុនា ឆ្នាំ២០២៤អនុវត្តន៍តាមបទបញ្ជាផ្ទាល់ របស់លោក សក់ ចន្ទកញ្ញារិទ្ធិ អភិបាលនៃគណៈអភិបាលខណ្ឌពោធិ៍សែនជ័យ លើការចុះបង្ក្រាប រាល់បទល្មើសល្បែងស៊ីសងគ្រប់ប្រភេទនៅក្នុងមូលដ្ឋាន នៃគ្រប់បណ្តាសង្កាត់ទាំង៧.ក្រោយពីបានចុះស្រាវជ្រាវយ៉ាងយកចិត្តទុកដាក់រួចមក រដ្ឋបាលខណ្ឌ ពោធិ៍សែនជ័យ ក៏ប្រទះឃើញកន្លែងលេងបាល់ទះ បុកប៊ីយ៉ា មួយកន្លែង ដែលស្ថិតនៅក្នុងភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ( ម្តុំអាងទឹក)មានបង្កប់លួចលាក់លេងល្បែងស៊ីសង មាន់ជល់តាមonline. នៅពេលនោះផងដែរកម្លាំងរដ្ឋបាលខណ្ឌ ក៏បានចុះបង្ក្រាបផ្ទាល់ជាក់ស្តែងតែម្តង ដោយរឹបអូសបានសម្ភារៈ មួយចំនួន។បន្ទាប់មកអជ្ញាធរ ក៏បានអោយទីតាំងនោះ ធ្វើកិច្ចសន្យា ជាលើកទី១។ លុះ ដល់ថ្ងៃសៅរ៍ ទី១៥ ខែមិថុនា ឆ្នាំ២០២៤
ដោយស្មានតែអជ្ញាធរមិនបានឃ្លាំមើល កន្លងបានតែ២ថ្ងៃស្រាប់តែ ទីតាំងដដែលនោះ មិនដឹងមានខ្សែខ្នងធំប៉ុណ្ណាទេ!!!ក៏បានលួចលេង គគ្លើនម្តងហើយម្តងទៀត មិនខ្លាចញញើតនិងសមត្ថកិច្ចអជ្ញាធរមូលដ្ឋានឡើយ .
ក៏ស្រាប់តែកម្លាំងរដ្ឋបាលខណ្ឌពោធិ៍សែនជ័យ ក៏បានចុះមកបង្ក្រាបជាលើកទី២ ហើយក៏បានដកហូតរឹបអូសសម្ភារៈទាំងអស់ យកមករក្សាទុកនៅ ឯសាលាខណ្ឌ និងធ្វើនិតិវិធីបន្ត។
ជាចុងក្រោយ លោក សក់ ចន្ទកញ្ញារិទ្ធិ អភិបាលនៃគណៈអភិបាលខណ្ឌពោធិ៍សែនជ័យ លោកក៏បានអំពាវនាវដល់បងប្អូនប្រជាពលរដ្ឋដែលរស់នៅក្នុងមូលដ្ឋានរបស់លោក ក៏ដូចជាបងប្អូនសារព័ត៌មាន ទាំងអស់ សុំរាយការណ៍មកជូនលោក ឬក៏មកកាន់រដ្ឋបាលខណ្ឌរបស់លោកនឹងរាយការណ៍ រាល់បទល្មើសល្បែងស៊ីសងគ្រប់ប្រភេទ ដើម្បីអោយលោកមានវិធានការចុះបង្ក្រាប អោយបានទាន់ពេលវេលានិងឆាប់រហ័ស៕
