ភ្នំពេញ ថ្ងៃទី០២ ខែមិថុនា ឆ្នាំ២០២៣
ការប្រកួតកីឡាបាល់បោះរទេះរុញបានចាប់ផ្ដើមហើយនៅព្រឹកនេះ នៅពហុកីឡដ្ឋានជាតិមរតកតេជោ រាជធានីភ្នំពេញ ដែលជាផ្នែកនៃការប្រកួតកីឡាអាស៊ានប៉ារ៉ាហ្គេម លើកទី១២ ដែលនឹងត្រូវបើកជាផ្លូវការនៅថ្ងៃស្អែក ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងភរិយា។
ដែលនឹងប្រព្រឹត្តទៅចាប់ពីថ្ងៃទី 2 ដល់ថ្ងៃទី 7 ខែមិថុនា ការប្រកួតបាល់បោះរទេះរុញត្រូវបានបែងចែកទៅជា 3×3 បុរស និងស្ត្រី និង 5×5 បុរស និងស្ត្រី។
ប្រទេសដែលចូលរួមមាន កម្ពុជា ថៃ ឥណ្ឌូនេស៊ី ម៉ាឡេស៊ី ហ្វីលីពីន និងឡាវ។
លោក My Seu គ្រូបង្វឹកក្រុមបាល់បោះរទេះរុញជម្រើសជាតិកម្ពុជាបានមានប្រសាសន៍ថា ក្រុមបាល់បោះរទេះរុញនារីកម្ពុជា មានសុទិដ្ឋិនិយមក្នុងការការពារមេដាយមាស និងប្រាក់ ខណៈដែលក្រុមបុរសរំពឹងថានឹងឈ្នះមេដាយមាសក្នុងព្រឹត្តិការណ៍ ASEAN Para Games 2023 នេះបើតាមលោក My Seu គ្រូបង្វឹកក្រុមបាល់បោះរទេះរុញជម្រើសជាតិកម្ពុជា។
គ្រូបង្វឹករូបនេះបាននិយាយថា កីឡាករបាល់បោះរទេះរុញជម្រើសជាតិកម្ពុជាកំពុងហ្វឹកហាត់យ៉ាងស្វិតស្វាញសម្រាប់ព្រឹត្តិការណ៍កីឡាបាល់បោះរទេះរុញបុរស និងនារី ទាំង 5v5 និង 3v3។
លោកបានបន្ថែមថា ពួកគេបានត្រៀមខ្លួនជាស្រេចទាំងសមត្ថភាព និងស្មារតីសម្រាប់ការឈ្នះមេដាយមាសក្នុងការប្រកួត។
អត្តពលិកប្រមាណ ១៤០០នាក់ មកពីប្រទេសចូលរួមចំនួន ១១ នឹងចូលរួមប្រកួតក្នុងកីឡាចំនួន ១៤ ប្រភេទ នៅពហុកីឡដ្ឋានជាតិមរតកតេជោ ពហុកីឡដ្ឋានជាតិអូឡាំពិក និងទីលានផ្សេងៗទៀតក្នុងរាជធានីភ្នំពេញ។
