ខេត្តកណ្ដាល៖ថ្ងៃទី២៤ ខែតុលា ឆ្នាំ២០២២
ថ្លែងក្នុងកិច្ចប្រជុំក្រុមការងារ បច្ចេកទេសវិស័យ ផ្គត់ផ្គង់ទឹកស្អាត និងអនាម័យជនបទ(PWG) ស្តីពី វឌ្ឍនភាព ការបញ្ចប់ការ បន្ទោបង់ពាសវាលពាសកាល(ODF) ឆ្នាំ២០២២ ក្នុង ខេត្តកណ្តាល ឯកឧត្ដម គង់សោភណ្ឌ័ អភិបាល ខេត្តកណ្តាល កោតសរសើរ វាយតម្លៃខ្ពស់ ចំពោះការប្រឹងប្រែង របស់ក្រុមការងារ បច្ចេកទេស ជំនាញ អាជ្ញាធរ គ្រប់មូលដ្ឋាន ស្ថាបន័ពាក់ពន្ធ័ បានចូលរួម សហការគ្នា ធ្វើអោយសំរេច បញ្ចប់ការបន្ទោបង់ ពាសវាលពាសកាល (ODF) ក្នុងក្របខណ្ឌ ផ្ទៃក្នុងខេត្ត បាន ១០០% ។
ក្នុងកិច្ចប្រជុំនេះ ឯកឧត្តម អភិបាលខេត្ត បានណែនាំ អាជ្ញាធរគ្រប់មូលដ្ឋាន គ្រប់ស្ថាបន័ ត្រូវអប់រំផ្សព្វផ្សាយ នៅតាមសា្ថប័ន សហគមន៍ សាលារៀន មន្ទីរពេទ្យ វត្តអារ៉ាម និងកន្លែង ផ្តល់សេវាកម្មផ្សេងៗ ទៀត ឱ្យបានទូលំទូលាយ ដោយប្រកាន់ខ្ជាប់ អនាមយ័ បរិស្ថានស្អាតនិង ត្រូវចេះវេចខ្ចប់សំរាម កាកសំណល់រឹិង ឱ្យបានត្រឹមត្រូវ និងមាន ធុងសំរាម ជៀសវាង ការចោលពាស វាលពាសកាល ជាដើម។
គូសបញ្ជាក់ថា៖ ស្ថានភាពអនាម័យបរិស្ថាន នៅក្នុងខេត្ត ឆ្នាំ២០២២ ជាក់ស្ដែង តាមខ្នងផ្ទះ មានបង្គន់ប្រើ ប្រាស់១០០% ក្នុងនោះ ខ្នងផ្ទះប្រើបង្គន់ផ្ទាល់ខ្លួន មាន ៩៥.៤% និងខ្នងផ្ទះប្រើបង្គន់រួមគ្នា មាន ៤.៦%)។ ដោយឡែកចំពោះ មូលដ្ឋានក្រុង ស្រុក គឺខេត្ត សម្រេចបញ្ចប់ ការបន្ទោបង់ ពាសវាលពាសកាល(ODF) ១០០% ក្នុងចំណោម ១១ក្រុង-ស្រុក មាន១២៧ឃុំ-សង្កាត់ ស្មើនឹង ១,០១០ភូមិ៕
