កណ្តាល៖ថ្ងៃចន្ទ ៨កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី០៣ ខែតុលា ឆ្នាំ២០២២
ហេតុការណ៍នេះកើតឡើងវេលាម៉ោង ១៧:០០នាទី ចំណុចកើតហេតុភូមិស្តៅកន្លែង៥ ឃុំដីឥដ្ឋ ស្រុកកៀនស្វាយ ខេត្តកណ្តាល។
ជនរងគ្រោះឈ្មោះ សែម សុខជា ភេទប្រុស អាយុ ៤២ឆ្នាំ ជនជាតិខ្មែរ មានស្រុកកំណើត ភូមិប៉ោឡោ ឃុំមេទឹក ស្រុកបាកាន ខេត្តពោធិ៍សាត់ មុខរបរកម្មករធ្វើផ្លូវ៦០ម៉ែត្រ (ក្រវ៉ាត់ក្រុងទី៣) ស្នាក់នៅក្នុងការដ្ឋានស្ថិតនៅក្នុងភូមិស្តៅកន្លែង៥ ឃុំដីឥដ្ខ ស្រុកកៀនស្វាយ ខេត្តកណ្ដាល(ស្លាប់)។
-មានប្រពន្ធឈ្មោះ រ៉ន មុំ អាយុ៣៩ឆ្នាំ(នៅស្រុកកំណើត)
-មានកូនប្រុសចំនួន០២នាក់៖
១-ឈ្មោះសែម សុខជាតិ អាយុ១៩ឆ្នាំ
២-ឈ្មោះសែម សុខជីង អាយុ១៧ឆ្នាំ(មកធ្វើការជាមួយ)។
តាមសមត្ថកិច្ចឲ្យដឹងថាតាមការបំភ្លឺពីឈ្មោះ សែម សុខជីង ភេទប្រុស(ត្រូវជាកូនបង្កើតជនរងគ្រោះ)បានអោយដឹងថា៖ នៅវេលាម៉ោងកើតហេតុខាងលើក្រោយពីចប់ម៉ោងការងារខ្លួននឹងជនរងគ្រោះជាឪពុកបាននាំគ្នាដើរសំដៅមកកន្លែងការដ្ឋានដើម្បីសំរាក ខណ:ពេលកំពុងដើរតាមផ្លូវនោះក៏មានភ្លៀងធ្លាក់មួយមេលាយឡំផ្គររន្ទះបាញ់ត្រូវឪពុករបស់ខ្លួនបណ្តាលឲ្យដួលខណ:គ្រានោះដែរខ្លួនក៏ដួលជាមួយឪពុក មួយសន្ទះក្រោយមកក៏បានដឹងខ្លួនឡើងវិញ ស្ទុះក្រោកឡើងឃើញឪពុកដេកដួលបាត់មាត់បាត់ក រួចក៏បានស្រែកហៅអ្នកធ្វើការជាមួយជួយយកឪពុកមកជួយសង្គ្រោះនៅមន្ទីរពេទ្យបង្អែកស្រុកកៀនស្វាយ តែពេលយកមកដល់មន្ទីរពេទ្យជនរងគ្រោះជាឪពុកបានដាច់ខ្យល់ស្លាប់។
បន្ទាប់មកក្រុមគ្រួសារជនរងគ្រោះបានរាយការណ៍មកសម្ថកិច្ចនគរបាលប៉ុស្តិ៍ដីឥដ្ឋ ក្រោយពីទទួលបានព័ត៍មានភ្លាមកំលាំងប៉ុស្តិ៍នគរបាលរដ្ឋបាលដីឥដ្ឋសហការជាមួយកំលាំងផ្នែកជំនាញបច្ចេកទេសកោសល្យវិច្ច័យ ក្រុមគ្រូពេទ្យអាជ្ញាធរមូលដ្ឋានចុះពិនិត្យជាក់ស្តែងឃើញថាជនរងគ្រោះបានស្លាប់ដោយសារគ្រោះធម្មជាតិរន្ទះបាញ់បណ្តាលអោយស្លាប់ ហើយក្រុមគ្រួសារបានទទួលស្គាល់។ ចំណែកសាកសពបានប្រគល់ជូនក្រុមគ្រួសារយកធ្វើបុណ្យតាមប្រពៃណីនៅឯស្រុកកំណើត។
