ខេត្តបន្ទាយមានជ័យ៖ ស្ត្រីម្នាក់ដែលគេស្គាល់ជាភរិយារបស់មេភូមិ ត្រូវអគ្គិសនីឆក់ស្លាប់ ខណៈយកឌុយដោតខ្សែភ្លើងដាំបាយនៅវេលាម៉ោង០៨និង៣០នាទីព្រឹកថ្ងៃទី០៦ខែកក្កដា ឆ្នាំ២០២២។
កើតហេតុ នៅភូមិបុស្បូវ ឃុំភ្នំដី ស្រុកភ្នំស្រុកខេត្តបន្ទាយមានជ័យ។
នគរបាលស្រុកភ្នំស្រុកបានឲ្យដឹងថា៖ស្ត្រីរងគ្រោះឈ្មោះ ថាត់ ហួច ភេទស្រី អាយុ៥៦ឆ្នាំ រស់នៅភូមិកេីតហេតុខាលេី។
មុនពេលកើតហេតុស្ត្រីរងគ្រោះ បានដោតឌុយខ្សែភ្លើងឆ្នាំងដាំបាយអគ្គិសនីនៅពេលដោតខ្សែភ្លើងនឹងព្រឺសង្ស័យដៃសើម ទើបឆ្លងចរន្តអគ្គិសនីបណ្តាលឲ្យឆក់ដួលផ្ងាក្រោយបោកក្បាលនិងកៅអីថ្មស្លាប់ភ្លាមនៅនឹងកន្លែងតែម្ដង ។
ក្រោយពីទទួលបានព័ត៌មាននេះភ្លាម កម្លាំងនគរបាលប៉ុស្តិ៍រដ្ឋបាលឃុំភ្នំដី និងនគរបាលផ្នែកជំនាញពិនិត្យវិភាគកន្លែងកើតហេតុ ដោយមានការចូលរួមពីក្រុមប្រឹក្សាឃុំភ្នំដី ស្ត្រីរងគ្រោះពិតជាស្លាប់ដោយឆក់ខ្សែភ្លើងប្រាកដមែន ។
ក្រោយពីផ្នែកជំនាញពិនិត្យវិភាគរួច សពត្រូវបានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី ៕
