ស្រុកកៀនស្វាយ៖នៅថ្ងៃអាទិត្យ ១៤រោច ខែពិសាខ ឆ្នាំខាល ចត្វាស័ក ព.ស២៥៦៥ ត្រូវថ្ងៃទី២៩ ខែ ឧសភា ឆ្នាំ ២០២២
ស្រុកកៀនស្វាយ: ក្រោមការបញ្ជាផ្ទាល់ពីលោកវរសេនីយ៍ឯក ព្រុំ សំណាង អធិការស្រុកកៀនស្វាយ នឹងដឹកនាំចុះបង្ក្រាបផ្ទាល់ដោយដោយលោកវរសេនីយ៍ទោ អឿន អាន អធិការរងទទួលបន្ទុកផ្នែកគ្រឿងញៀនរួមនឹងកងកម្លាំង សហការជាមួយនឹងលោកសុខ ណេត មេប៉ុស្តិ៍បន្ទាយដែកនឹងកងកម្លាំងប៉ុស្ត៍ចុះបង្ក្រាបករណីជួញដូរនិងប្រើប្រាស់គ្រឿងញៀនយ៉ាងសកម្ម ។
បង្ក្រាបករណីជួញដូរនឹងប្រើប្រាស់ដោយខុសច្បាប់នូវសារធាតុញៀនថ្ងៃទី ២៩ ខែឧសភា ឆ្នាំ ២០២២ នៅ ភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្ដាល ។
នៅថ្ងៃទី២៩ខែ ឧសភា ឆ្នាំ២០២២ កំលាំងផ្នែកប្រឆាំងគ្រឿងញៀនស្រុកកៀនស្វាយ ដឹកនាំដោយលោក វរសេនីយ៍ ទោ អឿន អាន អធិការរង សហការណ៍ ជាមួយប៉ុស្តិ៍នគរបាលរដ្ឋបាលបន្ទាយដែក ដើរល្បាតក្នុងភូមិសាស្ត្រ ឃុំបន្ទាយដែក លុះដល់ម៉ោង ០២:៣០ នាទីរំលងអាធ្រាត្រ ក៍ល្បាតដល់ ចំណុចមុខផ្ទះ របស់ឈ្មោះ ទួន តារ៉ា ភេទ ប្រុស ស្ថិតនៅភូមិ ខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល ដោយមានការសង្ស័យ សមត្ថកិច្ចក៍ចូលទៅសួរនាំ ហើយធ្វើការឆែកឆេរ រកឃើញថ្នាំញៀន ចំនួន០៣កញ្ចប់ (មធ្យម០១ ម៉ាទឹកកក)( តូច០២ ថ្នាំគ្រវី)។
ភ្លាមនោះ សមត្ថកិច្ចក៍បានឃាត់ខ្លួនជនសង្ស័យចំនួន០៣នាក់ ស្រី ០១ ៖
-ឈ្មោះ ទួន តារ៉ា ភេទប្រុស អាយុ៤០ ឆ្នាំ
-ឈ្មោះ វង្ស វ៉ាន់ណែត ភេទ ប្រុស អាយុ ៣២ ឆ្នាំ
– ឈ្មោះ សុ ខេមា ភេទ ស្រី អាយុ ២៦ ឆ្នាំ ក្រោយពីពិនិត្យរួចកម្លាំងសមត្ថកិច្ច បាននាំខ្លួនជនសង្ស័យទាំង ០៣ នាក់ នឹងវត្ថុតាង មកសាកសួរនៅប៉ុស្តិ៍ បន្ទាយដែក ។
វត្ថុតាងដែលចាប់បានម៉ូតូធំម៉ាក kawasakiមួយគ្រឿងរួមទាំងវត្ថុប្រើប្រាស់គ្រឿងញៀនមួយចំនួនទៀត
ក្រោយពីសាកសួររួច កម្លាំងជំនាញ បានបញ្ជូនជនសង្ស័យទាំង០៣នាក់ រួមទាំងវត្ថុតាង និងសម្ភារៈវេចខ្ចប់ទៅអធិការដ្ឋាននគរបាលស្រុកកៀនស្វាយ ដើម្បីកសាងសំណុំរឿងធ្វើតាមនីតិវិធី ៕
