ស្រុកលើកដែក៖នៅព្រឹកថ្ងៃសៅរ៍ទី៣០ ខែមេសាឆ្នាំ២០២២
អធិការដ្ឋាននគរបាលស្រុកលើកដែក បានរៀបចំបើកវគ្គបណ្តុះបណ្តាលស្តីពីច្បាប់ បទបញ្ជា និង នីតិវិធីសម្រាប់ការបោះឆ្នោត ក្រមសីលធម៏សម្រាប់ភ្នាក់ងារសន្តិសុខបោះឆ្នោតជ្រើសរើសក្រុមប្រឹក្សាឃុំ/សង្កាត់អាណត្តិទី៥ឆ្នាំ២០២២ ក្រោមអធិបតីភាព លោកវរសេនីយ៍ឯក អាំ ធូ អធិការនគរបាលស្រុកលើកដែក ។
១-សមាសភាពចូលរួម៖
១-កម្លាំងនគរបាលសរុបចំនួន២១នាក់ ស្រី០៤នាក់ ក្នុងនោះកម្លាំងមន្ត្រីថ្មី ចំនួន១៦នាក់ ស្រី០៤នាក់ ។
២-កម្លាំងប្រជាការពារសរុបចំនួន ១០៥នាក់
៣-តំណាងផ្នែកសឹករងស្រុក១នាក់
៤-មេបញ្ជាការកងរាជអាវុធហត្ថស្រុក១ រូប
សរុបចំនួន១២៨នាក់ (គ្រូបង្គោល០៨នាក់ ស្រី០នាក់)។
ជាលទ្ធផល ក្រោយពីស្តាប់ការឧទ្ទេសនាម របស់គ្រូឧទ្ទេសរយៈពេលពេញ មួយព្រឹក សិក្ខាកាមទាំងអស់ បានយល់ដឹង ច្រើនអំពីតួនាទីភារកិច្ចរបស់ភ្នាក់ងារ សន្តិសុខ (គ.ជ.ប)ការពារ ការឃោសនា ការដំណើរការបោះឆ្នោត និង រាប់សន្លឹកឆ្នោត រហូតដល់ ការប្រកាសលទ្ធផលឆ្នោតផ្លូវការដោយគណៈកម្មាធិការជាតិរៀបចំការបោះឆ្នោត ដែលធ្វើឲ្យអង្គពិធីទាំងមូលវាយតម្លៃបានអំពីការយល់ដឹង របស់សិក្ខាកាមយើងមាន ប្រមាណ ៩៥%ព្រោះសិក្ខាកាមមួយចំនួនមានបទពិសោធន៏ចូលរួមការពារសន្តិសុខសណ្តាប់ធ្នាប់ក្នុងការបោះឆ្នោតអាណត្តិមុនៗរួចមកហើយ ។
វគ្គុបណ្តុះបណ្តាលបានដំណើការចប់សព្វគ្រប់នៅវេលាម៉ោង ១១ និង ៣០ នាទី ប្រកបដោយស្មារតីយកចិត្តទុកដាក់ខ្ពស់បំផុត ។
