សមត្ថកិច្ចស្រុកខ្សាច់កណ្តាលឃាត់ខ្លួនជនសង្ស័យ ០២នាក់ ពាក់ពាន់ករណីឆក់កាបូប

វត្ថុតាងចាប់យករួមមាន៖
១- ម៉ូតូម៉ាក HONDA Dream C125 ពណ៌ខ្មៅ ស៊េរី២០២២ ពាក់ផ្លាកលេខ ភ្នំពេញ 1JC-1440 ចំនួន ០១ គ្រឿង ។

២- ទូរស័ព្ទម៉ាក OPPO A15 ពណ៌ខ្មៅ ចំនួន ០១ គ្រឿង និងប្រើស៊ីមកាតលេខ 0966076482(របស់ជនរងគ្រោះ)។

៣-កាបូបស្ពាយ ពណ៍ខ្មៅ ចំនួន ០១ និងអាវសាច់ក្រណាត់ដៃវែង ពណ៍ខ្មៅ ចំនួន ០១ (ជារបស់ជនសង្ស័យ)។

តាមសមត្ថកិច្ចឲ្យដឹងថានៅថ្ងៃទី២៧.០២.២០២២ វេលាម៉ោង៩:០០នាទី ជនរងគ្រោះ និងប្តីបានជិះម៉ូតូពីផ្ទះ មកដីនៅចំណុចក្រុមហ៊ុន 7NG ភូមិវិហារសួគ៌ជេីង ឃុំវិហារសួគ៌ ដោយឈ្មោះ ថាច ច័ន្ទ សុខន ជាប្តីជាអ្នកឌុប ឯជនរងគ្រោះជិះនៅពីក្រោយមានស្ពានកាបូបពណ៌ខ្មៅ០១ នៅក្នុងកាបូបមានទូរស័ព្ទ០១គ្រឿង ម៉ាកOPPO ស៉ីម លេខ 096 6079 482 លុះដល់ម៉ោង១០:៣០នាទី ពេលជនរងគ្រោះជិះម៉ូតូមកដល់ចំណុចខាងកេីតភ្នំក្នុងក្រុមហ៊ុន 7NG ជនសង្ស័យទាំង២នាក់ បានជិះម៉ូតូ១គ្រឿងម៉ាក HONDA Dream C125 ពណ៌ខ្មៅ ស៊េរី២០២២ ពាក់ផ្លាកលេខ ភ្នំពេញ 1JC-1440 តាមពីក្រោយ ដោយជនសង្ស័យឈ្មោះ សុផល បញ្ញា ជាអ្នកឌុប។
បន្ទាប់មកជនសង្ស័យឈ្មោះ តាវ ម៉េងហេង ដែលជិះនៅពីក្រោយ បានលូកដៃឆក់យកកាបូបស្ពាយពីជនរងគ្រោះ ពេលឆក់បានជនសង្ស័យក៏ជិះម៉ូតូរត់គេចសំដៅទៅផ្លូវជាតិលេខ៨ ហើយជនរងគ្រោះបានស្រែកឆោឡោ ចោរៗឆក់កាបូប។ ស្របពេលនោះកម្លាំងសមត្ថកិច្ចជំនាញផែ្នកនគរបាលយុត្តិធម៌កំពុងល្បាតក្នុងភូមិសា្រស្រ្តប្រទះឃេីញ បានជិះដេញតាមជនសង្ស័យ និងធ្វើការហៅទាក់ទងប៉ុស្តិ៍ទាំង១៨និងរាយការណ៍តាមវិទ្យុទាក់ទងលោកអធិការនគរបាលស្រុកខ្សាច់កណ្តាល បានបញ្ជាឲ្យកម្លាំងចេញជួយពួនស្ទាក់មុខសញ្ញាខាងលើ។

ចំណែកជនសង្ស័យជិះគេចចូលទៅពួនក្នុងព្រៃ ចំណុចប្រមាត់ដី ភូមិព្រៃធំ ឃុំសន្លុង ហេីយបានបេីកកាបូបឃេីញមានតែទូរស័ព្ទ០១គ្រឿង ក៏ដកយក ឯកាបូបបោះចោលក្នុងព្រៃ។

បន្ទាប់មកសមត្ថកិច្ចឃាត់ខ្លួនជនសង្ស័យ និងវត្ថុតាង បញ្ជូនមកអធិការដ្ឋាននគរបាលស្រុកខ្សាច់កណ្តាល ចាត់ការតាមនីតិវិធី៕