ស្រុកស្អាង៖ មណ្ឌលព្យាបាល បន្សាបនិងស្តារនិតិសម្បាទា អ្នកញៀនគ្រឿងញៀន
ខេត្តកណ្តាល រហូតមកដល់ពេលនេះ សំរេចការសាងសង់បានប្រមាណ ៧០%និងគ្រោងបញ្ចប់នៅពាក់កណ្តាលឆ្នាំ២០២២ខាងមុខនេះ។
នេះជាការបញ្ជាក់ របស់ឯកឧត្តម នូប៉េងចាន់តារា អភិបាល ខេត្តកណ្ដាល រួមជាមួយឯកឧត្តម ណុបដារ៉ាអភិបាលរងខេត្ត ក្នុងឱកាសអមដំណើរ ឯកឧត្ដម ធូស៊ុន រដ្ឋលេខាធិការ ក្រសួងសង្គមកិច្ច ចុះពិនិត្យ វឌ្ឍនភាពការសាងសង់ មណ្ឌលព្យាបាលបន្សាប និងស្តារនិតិសម្បាទា អ្នកញៀនគ្រឿងញៀន ដែលមានទីតាំងស្ថិតនៅភូមិទួលសុភី ឃុំព្រែកគយ ស្រុកស្អាង កាលពីរសៀលថ្ងៃទី១៥កុម្ភះ នេះ។
ឯកឧត្ដម អភិបាលរងខេត្ត អោយដឹងថា៖ មណ្ឌល ព្យាបាល បន្សាប និងស្តារនីតិសម្បទាអ្នកញៀនគ្រឿងញៀន នេះត្រូវបានសាងសង់លើផ្ទៃដី ១០ ហិកតា មាន ២១អគារ រួមមានអាគារសិក្សាពហុជំនាញ អគារការិយាល័យរដ្ឋបាល អគាររោងជាង នៅសម្រាប់បុរស នារី អគារសម្រាប់បុគ្គលិក មន្ទីរពេទ្យ អាគារអប់រំផ្លូវចិត្ត រោងបាយ និងកន្លែងសម្រាប់ ហាត់កីឡាផ្សេងៗទៀត ។ អាចទទួល ព្យាបាល និងអ្នកញៀនគ្រឿងញៀនបានប្រមាណ ជាង២ពាន់នាក់។
គួរបញ្ជាក់ថា៖ មណ្ឌលព្យាបាល បន្សាបនិងស្តារនិតិសម្បាទា អ្នកញៀនគ្រឿងញៀន នេះ ម៉ៅការសាងសង់ ដោយក្រុមហ៊ុន ឧកញ៉ា ឃុនសៀ គ្រោងនិងចំណាយអស់ ប្រមាណ១០លានដុល្លារអាមេរិក។
ក្នុងឱកាសនោះ ឯកឧត្ដម រដ្ឋលេខាធិការ ក្រសួងសង្គមកិច្ច បានជំរុញអោយ ក្រុមការងារបច្ចេកទេស ពន្លឿនការសាងសង់ អោយបានឆាប់រហស័ ប្រកបដោយស្តង់ដារ បច្ចេកទេស ដើម្បីធានាបាននូវគុណភាព សុវត្ថិភាពខ្ពស់៕
