មន្រ្តីជាន់ខ្ពស់ក្រសួង សុខាភិបាលអំពាវនាវក្រុមបាតុករ ក្រុមហ៊ុនណាហ្គា វើលដ៍ចូលរួមយកសំណាកទាំងអស់គ្នា ដើម្បីទប់ស្កាត់ការឆ្លងរីករាលដាលជំងឺកូវីដ១៩ប្រភេទអូមីក្រុង ជាលក្ខណៈទ្រង់ទាយធំពិសេសការពារបាននូវហានិភ័យសុខ ភាពសាធារណៈ។
អ្នកយកព័ត៌មានយើងធ្វើសេចក្តីរាយការណ៍ ថ្លែងក្នុងកិច្ចសម្ភាសន៍ជា មួយអ្នកសារព័ត៌មាន ក្នុងឱកាសចុះពិនិត្យដំណើរការចាក់វ៉ាក់សាំងបង្ការជំងឺកូវីដ ១៩ នៅខេត្តត្បូងឃ្មុំ លោក ជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិ បាល និងជាប្រធានគណៈកម្ម ការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានឱ្យដឹងថា ការចម្លងរបស់វីរុសកូវីដ១៩ ប្រភេទអូមីក្រុង គឺឆ្លងដោយមិនមានព្រំដែនកំណត់នោះទេ ហើយក៏ឆ្លងមិនរើសក្រុមឬ បក្សពួកអ្វីឡើយ គឺឆ្លងគ្រប់ស្រទាប់វណ្ណៈទាំងអស់។
លោកជំទាវវេជ្ជបណ្ឌិតបន្ថែមថា ប្រសិនការឆ្លងវីរុសកូវីដ១៩មិនមានព្រំដែនកំណត់ទេនោះ ហើយបុគ្គល គ្រប់រូប ដែលបានពាក់ព័ន្ធជាមួយអ្នកវិជ្ជមានជំងឺកូវីដ ១៩ និងមិនបានអនុវត្តវិធានសុខាភិបាលបានត្រឹមត្រូវ នឹងមានហានិភ័យខ្ពស់នៃការឆ្លងនៅវីរុសកូវីដ១៩ ព្រោះការចម្លងនេះ គឺចម្លងពីបុគ្គលទៅបុគ្គលមួយទៀត ដូច្នេះការ ទទួលខុសត្រូវរបស់បុគ្គលគ្រប់រូប នៅពេលដែលមានហានិភ័យនៃការឆ្លងនៃវីរុសកូវីដ១៩ គឺបុគ្គលនោះចាំបាច់ត្រូវតែអនុលោមតាមការណែ នាំរបស់ក្រសួងសុខាភិបាល ខណៈកន្លងមកនេះក្រសួង សុខាភិបាលគឺអនុវត្តទៅតាមគោលការណ៍បច្ចេកទេសសុទ្ធ សាធ ។
ដូចហេតុនេះ ដើម្បីដើម្បីទប់ស្កាត់ការឆ្លងរីករាល ដាលជំងឺកូវីដ១៩ប្រភេទអូមីក្រុងជាលក្ខណៈទ្រង់ទាយធំ ពិសេសការពារបាននូវហានិ ភ័យសុខភាពសាធារណៈ លោកជំទាវវេជ្ជបណ្ឌិត អំពាវ នាវក្រុមបាតុករក្រុមហ៊ុនណាហ្គាវើលដ៍ ឱ្យពួកគាត់អនុវត្តតាមការណែនាំរបស់ក្រសួងសុខាភិបាល និងអាជ្ញាធរមានសមត្ថកិច្ច ក្នុងការចូលរួមយកសំណាកឱ្យបានទាន់ ពេលវេលានៅទីតាំងដែលបានកំណត់ របស់គណៈកម្ម ការប្រយុទ្ធនឹងជំងឺកូវីដ១៩ ថ្នាក់រាជធានីភ្នំពេញ ជៀសវាងជំងឺកូវីដ១៩ឆ្លងរីករាលដាលកាន់តែធំ ។
សំឡេង៖« ការដែលរកឃើញវិជ្ជមាននៃវីរុសកូវីដ១៩ គឺដើម្បីអ្វី? ទីមួយគឺដើម្បីបុគ្គល ព្រោះបុគ្គលនឹងទទួលបាននូវការថែទាំព្យាបាលបានត្រឹម ត្រូវ ហើយបុគ្គលនឹងគិតគូរអំពីការចាត់ចែងនូវការចម្លងនេះបានត្រឹមត្រូវ មានន័យថា គាត់ត្រូវតែនៅដាច់ដោយឡែក ហើយគាត់ត្រូវតែថែទាំសុខ ភាពរបស់គាត់ ដោយអនុ លោមទៅតាមវិធានការរបស់សុខាភិបាល ទៅតាមគោល ការណ៍ណែនាំស្តង់ដារបច្ចេក ទេសឱ្យបានត្រឹមត្រូវ។
ហើយនៅពេលដែលធ្វើតេស្តឃើញ ថាបុគ្គលណាមួយមានវិជ្ជមានកូវីដ១៩ គឺនឹងជួយបងប្អូនដើម្បីការពារកុំឱ្យការចម្លង ទៅប្រពន្ធ កូន ឪពុកម្តាយ ដែលនៅក្នុងសមាជិកក្រុមគ្រួសារ ឬទៅដល់មិត្តភក្តិ ដែលនៅជុំវិញខ្លួនរបស់យើង»។
គួរជម្រាបថា តាមសេចក្តីជូនដំណឹងរបស់មន្ទីរសុខាភិ បាលនៃរដ្ឋបាលរាជធានីភ្នំពេញ កាលថ្ងៃទី០៧ ខែកុម្ភៈ ឆ្នាំ២០២២ ក្រុមគ្រូពេទ្យមន្ទីរសុខាភិបាលនៃរដ្ឋបាល រាជ ធានីភ្នំពេញបានធ្វើតេស្តយកសំណាកដើម្បីស្វែងរកមេរោគកូវីដ-១៩ លើក្រុមបាតុករអតីតបុគ្គលិកក្រុមហ៊ុនណាហ្គាវើលដ៍ ជាលទ្ធផលគិតត្រឹមម៉ោង នៅល្ងាចថ្ងៃដដែល បានរកឃើញវិជ្ជមានកូវីដ១៩ ចំនួន០៨នាក់ បន្ថែមទៀត។
ជាមួយគ្នានេះ មន្ទីរសុខាភិ បាលនៃរដ្ឋបាលរាជធានីភ្នំពេញ បានណែនាំក្រុមបាតុ ករទាំងអស់ ដែលជាអ្នកប៉ះ ពាល់ផ្ទាល់ជាមួយ អ្នកវិជ្ជមានកូវីដ-១៩ ត្រូវធ្វើចត្តាឡីស័ករយៈពេល០៧ថ្ងៃ ដោយគោរពឱ្យបានម៉ឺងម៉ាត់បំផុតតាមវិធានសុខាភិបាល។ បន្ទាប់ពីការធ្វើចត្តាឡីស័កចប់ ត្រូវយកសំណាកនៅតាមកន្លែងដែលបានកំណត់ និងរាយ ការណ៍អំពីលទ្ធផលមកអាជ្ញា ធរមូលដ្ឋាន និងមន្ទីរសុខាភិ បាលជាកំហិត៕
