ឯកឧត្តមបណ្ឌិត ជាម ច័ន្ទសោភ័ណ អភិបាលនៃគ ណៈអភិបាលខេត្តត្បូងឃ្មុំ និងលោកជំទាវ ម៉េង វ៉ាន់ដានីន នៅព្រឹកថ្ងៃទី៣០ ខែមករា ឆ្នាំ២ ០ ២២ បានអញ្ជើញជាអធិបតីភាពក្នុងពិធីបុណ្យឆ្លងសម្ពោធដាក់ឱ្យប្រើប្រាស់ជាផ្លូវការ ផ្លូវបេតុង រោងវិបស្សនា រួមនឹងបុណ្យផ្កាសាមគ្គី នៅវត្តសិរីឧត្តមស្រះជុំ (ហៅវត្តអណ្តូងក្តី)ស្ថិតនៅភូមិ សាមគ្គី ឃុំជីគរ ស្រុកត្បូងឃ្មុំ ខេត្តត្បូងឃ្មុំ ។ ក្នុងនោះមានការអញ្ជើញចូលរួមពីសំណាក់ លោកឧកញ៉ាបណ្ឌិត ឈិន កេន និងលោកជំទាវ ឧកញ៉ា ស៊ិន ចន្ធី និងលោកជំទាវ ឯកឧត្តម -លោកជំទាវអភិបាលរងខេត្ត លោក -លោកស្រី ដែលជាថ្នាក់ដឹកនាំ មន្ទីរ-អង្គភាព អភិបាល អភិបាលស្រុកត្បូងឃ្មុំ និងបងប្អូនប្រជាពលរដ្ឋ ពុទ្ធបរិស័ទចំណុះជើងវត្តយ៉ាងច្រើកុះករ។
មានប្រសាសន៍សំណេះសំណាលនាឱកាសនោះ ឯកឧត្តមបណ្ឌិត ជាម ច័ន្ទសោភ័ណ អភិបា លខេត្ត បានលើកឡើងថា៖ បើយើងក្រឡេកថយក្រោយទៅកាន់សម័យប៉ុលពតជារបបវាល ពិឃាត៣ឆ្នាំ៨ខែ ២០ថ្ងៃ ធ្វើឱ្យប្រជាពលរដ្ឋកម្ពុជាជាច្រើននាក់បានស្លាប់បាត់បង់ជីវិតដោ យ ការយកជីវិតទៅប្ដូររបស់សម្ដេចទាំងទ្វេ និងឥស្សរជនឆ្នើមដទៃទៀត បានរំដោះប្រទេសជាតិ រួចចាកផុតពីរបប ខ្មៅងងឹត យង់ឃ្នង ធ្វើប្រទេសជាតិ ទទួលបានសុខសន្តិភាពរហូតពេលប ច្ចុប្បន្ន។ ឯកឧត្តមបណ្ឌិតបានបន្តទៀតថា សន្តិភាព ដែលយើងទទួលបានសព្វថ្ងៃនេះ គឺឆ្លងកាត់ការពលីអាយុជីវិតរបស់ឥស្សជនជាច្រើនរូប ដូច្នេះ យើងទាំងអស់គ្នា ត្រូវរក្សាសន្តិភាពនេះឱ្យបានគង់វង្ស ដើម្បីឱ្យប្រទេសយើង មានការអភិវឌ្ឍរីកចម្រើនបន្តទៅមុខទៀត ។
បើយោងតាមការវិភាគ របស់អ្នកសេដ្ឋកិច្ចអន្តរជាតិ ប្រសិនបើប្រទេសយើង មានសន្តិភាពស្ថិរភាពនយោបាយ នោះនៅឆ្នាំ ២០៣០ ប្រជាពលរដ្ឋនឹងមានជីវភាពមធ្យម និងនៅឆ្នាំ ២០៥០ ប្រទេសកម្ពុជាយើងនឹងក្លាយជាប្រទេសអ្នកមាន តាមរយៈការដឹកនាំដ៏ឈ្លាសវៃ របស់សម្តេចតេជោ ហ៊ុន សែន ជានាយករដ្ឋមន្ត្រី ធ្វើអោយមានការអភិវឌ្ឍន៍លើគ្រប់វិស័យ ទាំងវិស័យពុទ្ធចក្រ និងអាណាចក្រ ។
ជាចុងក្រោយ ឯកឧត្តមបណ្ឌិត ជាម ច័ន្ទសោភ័ណ ក៏បានអំពាវនាវ សូមឱ្យប្រជាពលរដ្ឋទាំងអស់កុំភ្លេចទៅ បោះឆ្នោតជ្រើសរើស ក្រុមប្រឹក្សាឃុំ-សង្កាត់ នាពេលខាងមុខទាំងអស់គ្នា នឹងបន្តអនុវត្តន៏ឱ្យបានខ្ជាប់ខ្ជួន តាមវិធានការរបស់រាជរដ្ឋាភិបាល ក៏ដូចជាក្រសួងសុខាភិបាលកម្ពុជាដើម្បីចៀសផុតពីជំងឺកូវីដ-១៩ និងបានផ្តល់ជូនប្រជាពុទ្ធបរិស័ទជាង ៦០០ នាក់ ដែលបានចូលរួមពិធី នៅ ក្រមា ១ ម្នាក់ៗ និង ថវិកា មួយចំនួនផងដែរ។ នាឱកាសនោះដែរ លោកឧកញ៉ា ឈិន កេន បានមានប្រសាសន៍ផងដែរថា តាមរយៈសមិទ្ធផលថ្មីៗ ដែលត្រូវដាក់សម្ពោធនាពេលនេះ គឺសម្រាប់វេរប្រគេនព្រះសង្ឃ និងជូនប្រជាពុទ្ធបរិស័ទ ដើម្បីគោរពប្រណិប័តន៍ តាមជំនឿសាសនាព្រះពុទ្ធ ដែលជាសាសនារបស់រដ្ឋ និងសម្រាប់សិក្សារៀនសូត្រ ។
បើតាមការឱ្យដឹង ពីលោក សេង សុខឃឿន អភិបាលស្រុកត្បូងឃ្មុំ វត្តសិរីឧត្តមស្រះជុំ (អណ្ដូងក្តី) កសាងឡើងក្នុងឆ្នាំ ១៨៥៥ មកម៉្លេះ ដោយមានព្រះសង្ឃ គង់នៅ ចំនួន ៣៩ អង្គ/នាក់ (ភិក្ខុចំនួន ៧ អង្គ សាមណេរ ៣២ អង្គ សិស្សស្នាក់នៅរៀនសូត្រ ០៨រូប) ឆ្លងកាត់ ព្រះចៅអធិការវត្ត ចំនួន ៨ ព្រះអង្គ រហូតមកដល់ពេលបច្ចុប្បន្ននេះ មានព្រះគ្រូចៅអធិការ ព្រះនាម ហ៊ុត គឹមហ៊ាង បន្តការថែរក្សា ស្ថាបនា និងកសាងនូវសមិទ្ធផលនានាជាច្រើនទៀត៕
