ខេត្តតាកែវ៖កាលពីវេលាម៉ោងជិត១១យប់ថ្ងៃ ពុធ ១១១កើត ខែមិគសិរ ឆ្នាំឆ្លូវ ត្រីសក័ ពុទ្ធសករាជ ២៥៦៥ ត្រូវនឹងថ្ងៃទី១៥ ខែធ្នូ ឆ្នាំ២០២១
កម្លាំងអធិការនគរបាលស្រុកព្រៃកប្បាស ដឹកនាំដោយលោកវរសេនីយ៍ឯកឡេង ប៊ុនឡុង សហការជាមួយកម្លាំងប៉ុស្តិ៍នគរបាលរដ្ឋបាលព្រៃផ្ដៅ និងប៉ុស្ដិ៍នគរបាលរដ្ឋបាលតាំងយ៉ាប បានចុះបង្ក្រាបករណីដឹងជញ្ជូនដោយខុសច្បាប់នូវសារធាតុញៀននៅចំណុច ភូមិព្រៃភ្ញី ឃុំព្រៃផ្ដៅ ស្រុកព្រៃកប្បាស ខេត្តតាកែវ ធ្វើការឃាត់ខ្លួនបានមុខសញ្ញាពីរនាក់។
យោងតាមរបាយការណ៍សមត្ថកិច្ច ជនសង្ស័យទាំង២នាក់នោះ
១.ឈ្មោះ ឆាយ ម៉េងហ៊ាង ភេទប្រុស អាយុ 21 ឆ្នាំរស់ នៅភូមិស្លា ឃុំស្លា ស្រុកសំរោង ខេត្តតាកែវ ។
២.ឈ្មោះកែវ ថេងឡា ភេទប្រុស អាយុ១៩ ឆ្នាំរស់នៅ ភូមិសំបូរ ឃុំតាំងយ៉ាប ស្រុកព្រៃកប្បាស ខេត្តតាកែវ។
ដោយឡែកវត្ថុតាងដែលដកហូតបានរួមមាន ៖ ម្សៅក្រាមពណ៌សថ្លាសង្ស័យជាសាធាតុញៀនចំនួន២៤កញ្ចប់, ទូរស័ព្ទដៃចំនួន 4 គ្រឿង, ម៉ូតូចំនួន ១រឿងម៉ាក nex ពណ៌ស លឿង សេរីឆ្នាំ2021ពាក់ផ្លាកលេខ ភ្នំពេញ 1IN 8137។
បច្ចុប្បន្នជនសង្ស័យខាងលើរួមទាំងវត្ថុតាងមកកាន់អធិការដ្ឋាននគរបាលស្រុកព្រៃកប្បាសដើម្បីសាកសួរនិងកសាងសំណុំរឿងតាមនីតិវិធី៕ 
