កណ្ដាល ៖ នៅថ្ងៃពុធ ១៤កើត ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២០ ខែតុលា ឆ្នាំ២០២១
។
ក្រោមការបញ្ជាផ្ទាល់របស់លោកវរសេនីយ៍ឯក ព្រំ សំណាងអធិការស្រុកកៀនស្វាយនិងដឹកនាំការបង្ក្រាបផ្ទាល់របស់លោកវីរៈសេនីយ៍ទោ វេង កុសលអធិការរងទទួលបន្ទុកព្រហ្មទណ្ឌនឹងកងកម្លាំងជំនាញសហការជាមួយប៉ុស្តិ៍នគរបាលរដ្ឋបាលដីឥដ្ឋនៃអធិការដ្ឋាននគរបាលស្រុកកៀនស្វាយ បានឃាត់ខ្លួនជនសង្ស័យម្នាក់ ករណី លួច(ដែក)និងរក្សាទុកដោយខុសច្បាប់នូវសារធាតុញៀន
។
ហេតុការនេះកើតនៅថ្ងៃទី២០ ខែតុលា ឆ្នាំ២០២១ វេលាម៉ោង១៣ នឹង៣០នាទី។ចំណុចកើតហេតុនៅឃ្លាំងចំរាញ់សំណរស្ថិតក្នុងភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្ដាល
។ជនរងគ្រោះមានឈ្មោះសេង សម្បត្តិ ភេទប្រុស អាយុ៥០ឆ្នាំ ជនជាតិខ្មែរ មុខរបរនគរបាល មានទីលំនៅសង្កាត់មិត្តភាព ខណ្ឌ៧មករា រាជធានីភ្នំពេញ
។
ជនសង្ស័យចំនួន០១នាក់
ឈ្មោះសុខ នី ភេទប្រុស អាយុ៣០ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅភូមិស្រែអំពិលឃុំឈើទាលស្រុកកៀនស្វាយខេត្តកណ្តាល(ឃាត់ខ្លួន)
។
វត្ថុតាងចាប់យករួមមាន
៖
១.ដែកកំណាត់មានទំងន់សរុប៥០គីឡូក្រាម (ជារបស់ជនរងគ្រោះ)
២.ម៉ូតូ០១គ្រឿងម៉ាកសង់កូរ៉េC100 ពណ៍ក្រហម ពាក់ផ្លាកលេខភ4574ភព1
៣.ទូរស័ព្ទដៃ០១គ្រឿង ម៉ាកNOKIA អិនចុកពិល ពណ៍ផ្ទៃមេឃ
៤.ម្សៅក្រាមពណ៍សថ្លាសង្ស័យសារធាតុញៀនចំនួន០១កញ្ចប់តូចនឹងលុយខ្មែរចំនួន២.០០០៛ក្រដាស១ពាន់រៀល០២សន្លឹក (លេខ២,៣,៤ជារបស់ជនសង្ស័យ)
។
សភាពរឿងហេតុ ៖
នៅថ្ងៃខែឆ្នាំវេលាម៉ោងកើតហេតុដូចខាងលើ ជនសង្ស័យបានជិះម៉ូតូ០១គ្រឿងម៉ាកសង់កូរ៉េ C100 ខាងលើទុកក្នុងព្រៃស្នាយ ចំងាយពីកន្លែងកើតហេតុប្រហែល៦០ម៉ែត្រ រួចក៏បានដើរទៅផ្លោះរបងលួសសំណាញ់ចូលក្នុងឃ្លាំង ធ្វើសកម្មភាពលួចយកដែក តែត្រូវអ្នកយាមឃ្លាំងដឹងទាន់ រាយការណ៍ជូនសមត្ថកិច្ចធ្វើការឃាត់ខ្លួនជនសង្ស័យ យកមកប៉ុស្តិ៍នគរបាលរដ្ឋបាលដីឥដ្ឋដើម្បីសួរនាំ
។
ក្រោយពីសួរនាំរួចនៅចំពោះមុខ សមត្តកិច្ចជនសង្ស័យបានសារភាពថា ខ្លួនពិតជាបានធ្វើសកម្មភាពចូលលួចដែកខាងលើពិតប្រាកដមែន ។ ចំណែកថ្នាំញៀន០១កញ្ចប់តូចខាងលើពិតជារបស់ខ្លួន ដោយមានឈ្មោះតាក់(មិនស្គាល់ត្រកូល)ភេទប្រុសអាយុ៣២ឆ្នាំជនជាតិខ្មែរ មានទីលំនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញបានអោយមកខ្លួនទុកសំរាប់ប្រើប្រាស់
។
ជនសង្ស័យបានបន្តទៀថា កន្លងមកនៅថ្ងៃខែមិនចាំក្នុងឆ្នាំ២០១៩ ខ្លួនធ្លាប់ធ្វើសកម្មភាពលួចដែកនៅក្នុងឃុំឈើទាលចំនួន០២ដងរួចមកហើយ។ក្រោយពីសួរនាំរួចជនសង្ស័យរួមហ្នឹងវត្ថុតាងបានបញ្ចូនមកកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី ៕
