សម្ដេចក្រឡាហោមប្រកាសផ្តល់ឱកាសដល់មន្រ្តីវ័យក្មេងដែលមានសមត្ថភាពអាចធ្វើ ជាអភិបាលស្រុក ឬអភិបាល រងខេត្តបាន

សម្ដេចក្រឡាហោម ស ខេង ឧបនាយករដ្ឋមន្ដ្រីបានណែនាំដល់ថ្នាក់ដឹកនាំខេត្តស្រុកនៅមូលដ្ឋាន ត្រូវផ្តល់ឱកាសដល់មន្រ្តីវ័យក្មេងដែលមានសមត្ថភាព ត្រូវលើកទឹក ចិត្តពួកគាត់អាចទៅបម្រើការងារជាអភិបាលស្រុក ឬអភិបាលរងខេត្ត ដើម្បីជួយក្នុងការអភិវឌ្ឍប្រទេសជាតិទៅមុខទៀត
។

ក្នុងពិធីប្រកាសចូលកាន់មុខតំណែងអភិបាលនៃគណៈអភិបាលខេត្តពោធិ៍សាត់ថ្មី នៅសាលាខេត្តពោធិ៍សាត់នាថ្ងៃទី១៤ ខែតុលានេះ សម្ដេចក្រឡាហោម ស ខេង ឧបនា យករដ្ឋមន្ដ្រី រដ្ឋមន្ដ្រីក្រសួង មហាផ្ទៃ បានមានប្រសាន៍ថា រដ្ឋបាលរាជធានី-ខេត្តទាំង អស់ ត្រូវត្រៀមទុកជាមុន នូវយុវជនដែលមានសមត្ថភាពខ្ពស់ ដើម្បីធ្វើជាអភិបាល ស្រុក ឬអភិបាលរងខេត្ត ព្រោះខេត្តមួយចំនួន ធ្វើបានជោគជ័យដោយសារការជ្រើសរើសមន្រ្តីវ័យក្មេង
។

សម្តេចក្រឡាហោម បានបញ្ជាក់ថា រដ្ឋបាលរាជធានី- ខេត្តទាំងអស់ ត្រូវពិនិត្យមើល និងជោគវាសនាទៅថ្ងៃអនា គតប្រទេសជាតិ ព្រមទាំងបើកឱកាសយុវជន បានសិក្សារៀនសូត្រ នៅថ្នាក់បរិញ្ញាបត្រ អនុបណ្ឌិត ឬបណ្ឌិត ដើម្បីយកចំណេះដឹងទាំងនោះមកធ្វើការនៅថ្នាក់ ក្រោមជាតិ ព្រោះពេលបច្ចុប្ប ន្នយុវជនមានចំណេះដឹង សមត្ថភាព និងបទពិសោធន៍ច្រើន
។

« មន្ត្រីជាយុវជន ដែលបានរៀនសូត្រចប់បរិញ្ញា ប័ត្រ ចុះទៅធ្វើការនៅមូល ដ្ឋាន ថ្នាក់ស្រុក តាមការិយា ល័យ មួយរយៈក្រោយមកបានស្រង់អ្នកនឹងមកវិញ ដើម្បីតែងតាំងជាអភិបាលរង ស្រុក អភិបាលស្រុក រហូតមកធ្វើជាអភិបាលរងខេត្ត ដែលយើងបានគិតពីចម្ងាយ អ៊ីចឹងហើយកុំឲ្យខ្វះប្រភពនេះ។ ឥឡូវនឹងការចាត់ចែងមន្ដ្រីហ្នឹង យើងបានប្រគល់ឲ្យរដ្ឋបាលថ្នាក់ក្រោមជាតិ ហើយព្រះរាជក្រឹត្យ បានទម្លាក់មកឲ្យរដ្ឋបាលខេត្តទទួលខុសត្រូវ ហើយរដ្ឋបាលខេត្ត ត្រូវយកចិត្តទុកដាក់គិតអំពីបញ្ហានេះ ជៀសវាងថាដល់ពេលទៅរកមនុស្ស ដើម្បីដាក់ធ្វើតំណែងនេះ ធ្វើតំណែងនោះ នៅថ្នាក់ស្រុកក្ដី នៅថ្នាក់ខេត្តក្ដី យើងពិបាក ដោយយើងមិនបានគិតទុក ជាមុន ហើយមានខេត្តខ្លះ ធ្វើបានល្អ ហើយខេត្តខ្លះទៀតក៏មានបញ្ហា ក្នុងការរើសមន្ដ្រី អញ្ចឹងហើយសុំស្នើរាជធានីខេត្តទាំងអស់ សុំមើលបញ្ហានេះទាក់ទងជោគវាសនាអនាគតប្រទេសជាតិរបស់យើង »
។

សម្ដេចក្រឡាហោម បានរំលឹកថា កាលពីជំនាន់មុនពិបាករកអ្នកមានសមត្ថភាពឈរឈ្មោះធ្វើមេឃុំ-ចៅ សង្កាត់។ ប៉ុន្ដែមកដល់ពេលបច្ចុប្បន្ន មានអ្នកមានសមត្ថ ភាពឈរឈ្មោះធ្វើមេឃុំ-ចៅ សង្កាត់ច្រើន ដោយសារពួក គាត់មានចំណេះដឹងនិងសម ត្ថភាព តាមរយៈការបញ្ចប់សិក្សាថ្នាក់បរិញ្ញាបត្រ ។

សូមបញ្ជាក់ថា សម្តេចក្រឡាហោម ស ខេង ឧប នាយករដ្ឋមន្ដ្រី នឹងធ្វើការសិក្សាជាមួយមន្ត្រីជំនាញធ្វើយ៉ាងណាអាចរៀបចំឲ្យប្រឡងប្រណាំងអនុវត្តបានមុនការបោះឆ្នោតឃុំ សង្កាត់
នៅថ្ងៃទី ៥ ខែមិថុនា ឆ្នាំ ២០២២ ខាងមុខ៕