ករណីលួចមានស្ថានទម្ងន់ទោស(លួចម៉ូតូ) នៅថ្ងៃទី២៧ខែកញ្ញាឆ្នាំ២០២១វេលាម៉ោង១.១០នាទីជនរងគ្រោះឈ្មោះ ស៊ីវ ប៊ុនរ៉ុងភេទប្រុសអាយុ២៤ឆ្នាំ ជនជាតិខ្មែរមានទីលំនៅភូមិ កោះបៀរ ឃុំគគីរ ស្រុកកៀនស្វាយខេត្តកណ្ដាល បានជិះម៉ូតូមួយគ្រឿងម៉ាក SUZ UKI NEX ពណ៍ ក្រហម ស ពាក់ស្លាកលេខ កណ្ដាល 1AB1080 ចេញពីកន្លែងផឹកស៊ីជាមួយមិត្តភ័ក្តវិលត្រឡប់មកផ្ទះវិញ
។
ពេលជិះម៉ូតូមកដល់ខាងមុខវត្តមុលីសុវណ្ណតមល ក៏បានជួបជនសង្ស័យ÷
១.ជនសង្ស័យឈ្មោះ ជា សំណាង ភេទប្រុស អាយុ៣០ឆ្នាំជិះម៉ូតូដៃកាន់ដែកបំពុងទីបដងឆ័ត្រ ពណ៍ ស(គេចខ្លួន)
២.ឈ្មោះ គន់ សុភ័ត្ត ភេទប្រុស អាយុ២៨ឆ្នាំ
៣.ឈ្មោះ ឡុង ដាលិ ភេទប្រុសអាយុ២៧ឆ្នាំ ជិះម៉ូតូ០២គ្រឿងមានគ្នាបីនាក់ដេញវាយជនរងគ្រោះ ពេលនោះជនរងគ្រោះក៏បានផ្ដួលម៉ូតូនៅលើចិញ្ចើមផ្លូវជាតិលេខ១ក៏បានរត់ចូលទៅក្នុងភូមិ ។
ភ្លាមនោះជនសង្ស័យនឹងបក្សពួកក៏បានលើកម៉ូតូជនរងគ្រោះជិះគេចខ្លួនពីកន្លែងកើតហេតុ ។ នៅព្រឹកថ្ងៃទី២៨ខែកញ្ញាឆ្នាំ២០២១ជនរងគ្រោះបានមកដាក់ពាក្យបណ្ដឹងនៅប៉ុស្ដិ៍នគរបាលគគីរ បន្ទាប់ទទួលបានពាក្យបណ្ដឹងរួចមកប៉ុស្តិ៍នគរបាលគគីរសហការជាមួយកម្លាំងជំនាញនគរបាលយុត្តិធម៍ស្រុកចុះធ្វើការស្រាវជ្រាវកំណត់មុខសញ្ញា
។
នៅថ្ងៃទី៣០ខែញ្ញាឆ្នាំ២០២១ប៉ុស្ដិ៍នគរបាលគគីរ ផ្នែកនគរបានយុត្តិធមស្រុកបានកំណត់មុខសញ្ញាឃាត់ខ្លួនជនសង្ស័យចំនួន ០២នាក់ឈ្មោះឡុងដាលិ ភេទប្រុស នឹង ឈ្មោះគន់ សុភ័ត្ត ភេទប្រុសយកមកកាន់អធិការដ្ឋាដើម្បីសាកសួរ
។
នៅចំពោះមុខសមត្តកិច្ចជនសង្ស័យឈ្មោះ គន់ សុភ័ត្ត ភេទប្រុស ឈ្មោះឡុង ដាលិភេទប្រុស ឈ្មោះ ជា សំណាង ភេទប្រុស(គេចខ្លួន) ពិតជាបានធ្វើអំពើលួចមានស្ថានទម្ងន់ទោស(លួចម៉ូតូ)ពីឈ្មោះ សុីវ ប៊ុនរ៉ុងភេទប្រុសពិតប្រាដកមែន
។
ក្រោយពីធ្វើសកម្មភាពលួចហើយជនសង្ស័យទាំងបីនាក់បានជិះម៉ូតូSUZUKI NEX ពណ៍ ក្រហម ស ស្លាកលេខ កណ្ដាល 1AB1080បានយកទៅអោយឈ្មោះ ខៀង ឃា ភេទប្រុសអាយុ២៧ឆ្នាំ មុខរបរមិនពិតប្រាកដនៅភូមិទឹកជាឃុំពើកស្រុកអង្គស្នួលខេត្តកណ្ដាលជួយលក់
។
ក្រោយពីបានស្ដាប់ការបំភ្លឺរបស់ជនសង្ស័យចប់
លោកវរសេនីយ៍ឯក ព្រុំ សំណាង អធិការនគរបាល ដឹកនាំកម្លាំងនគរបាលយុត្តិធម៍ស្រុកកៀនស្វាយ សហការជាមួយកម្លាំងការិយាល័យកំរិតធ្ងន់ស្នងការនគរបាលខេត្តកណ្ដាលនឹងកម្លាំងនគរបាលស្រុកអង្គស្នួលបានបើកប្រត្តិកា ធ្វើការឃាត់ខ្លួនបានជនសង្ស័យចំនួន០២នាក់
១.សន សំអូនភេទប្រុសអាយុ៣០ឆ្នាំជនជាតិខ្មែររស់នៅភូមិចំបក់ទន្សាយ ឃុំព្រៃពួចស្រុកអង្គស្នួល ខេត្តកណ្ដាល។
២.ឈ្មោះខៀង ឃាភេទប្រុសអាយុ២៧ឆ្នាំ រស់នៅភូមិទឹកជា ឃុំពើកស្រុកអង្គស្នួលខេត្តកណ្ដាល មកកាន់អធិដ្ឋាននគរបាលស្រុកកៀនស្វាយដើម្បីសួរនាំ ។នៅចំពោះមុខសមត្តិកិច្ចជនសង្ស័យ ឈ្មោះខៀង ឃា ភេទប្រុសពិតជាបានទទួលម៉ូតូម៉ាកSUZUKI NEX ពណ៍ ក្រហម ស គ្មានស្លាកលេខពីឈ្មោះ ជា សំណាង ភេទប្រុស ឈ្មោះគន់ សុភ័ត្តភេទប្រុស ពិតប្រាកដមែន
។
នៅថ្ងៃទី៣០ខែកញ្ញាឆ្នាំ២០២១ ឈ្មោះខៀវ ឃាភេទប្រុស បានហៅឈ្មោះឈឹមហៅភ័ត្តភេទប្រុស រស់នៅឃុំឱរ៉ាល់ស្រុកត្រែងត្រយឹងខេត្តកំពង់ស្ពឺមកយកម៉ូតូមួយគ្រឿងម៉ាក SUZUZI NEX ពណ៍ ក្រហម ស យកទៅលក់ក្នុងតំលៃ250$(ពីររយហាសិបដុល្លាអាមេរិក)
។
ចំណែកឈ្មោះ សន សំអូនភេទប្រុស ត្រូវបានឈ្មោះឈឹម ភេទប្រុសប្រើអោយយកម៉ូតូSUZUKI NEX ពណ៍ ក្រហម ស យកមកអោយឈ្មោះខៀង ឃា ភេទប្រុសនៅចំនុចសាលាបុណ្យក្នុងភូមិទឹកជា ឃុំពើក ស្រុកអង្គស្នួលខេត្តកណ្ដាល ក៏ត្រូវសមត្តកិច្ចចាប់ឃាត់ខ្លួនតែម្ដង
។
បច្ចុប្បន្ន ជនសង្ស័យរួមទាំងវត្ថុតាងត្រូវបានផ្នែកនគរបាលស្រុកកៀនស្វាយកំពង់បន្តនិតិវិធីទៅតាមផ្លូវច្បាប់ ៕
