នៅសាលាខេត្តកណ្តាល
៖ព្រឹកថ្ងៃ១៥កើត ខែភទ្របទ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃអង្គារ ទី២១ ខែកញ្ញា ឆ្នាំ២០២១
។
លោក គីម រិទ្ធី អភិបាលរងខេត្តកណ្តាល បានជួបពិភាក្សាការងារ ជាមួយឯកឧត្តម Ermenegildo Kupa Lopes ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រខាងកើត ប្រចាំនៅព្រះរាជាណាចក្រកម្ពុជា
។
នាឱកាសនោះឯកឧត្តម គីម រិទ្ធី បានជម្រាបជូនឯកអគ្គរដ្ឋទូតថា ខេត្តកណ្តាលជាខេត្តជាប់នឹងរាជធានីភ្នំពេញ ដែលជាមជ្ឈមណ្ឌលសេដ្ឋកិច្ច ពាណិជ្ជកម្ម សេវាកម្ម និងវប្បធម៌។ ទស្សនៈវិស័យរបស់ខេត្តកណ្តាល គឺប្រែក្លាយសេដ្ឋកិច្ចខេត្ត ពីតំបន់ពឹងផ្អែកវិស័យកសិកម្ម ទៅជាខេត្តដែលមានសក្តានុពលលើវិស័យឧស្សាកម្ម សេវាកម្ម និងទេសចរណ៍។ ដើម្បីធ្វើការទាក់ទាញវិនិយោគក្នុង និងក្រៅស្រុក ចូលមកធ្វើការវិនិយោគលើវិស័យអចលនៈទ្រព្យ ការកសាងហេដ្ឋារចនាសម្ព័ន្ធរោងចក្រ សហគ្រាស ប្រែក្លាយជីវភាពប្រជាពលរដ្ឋដែលពឹងអាស្រ័យផលលើវិស័យកសិកម្ម មកជាកម្លាំងពលកម្ម លើវិស័យឧស្សាហកម្មពាណិជ្ជកម្ម និងសេវាកម្ម ។ ដោយជំរុញ និងយកចិត្តទុកដាក់ដល់ការបណ្ដុះបណ្ដាលធនធានមនុស្ស លើជំនាញសំខាន់ ៗក្នុងវិស័យធំៗ និងការផ្តល់លទ្ធភាពទទួលបានការបំពាក់បំប៉នជំនាញវិជ្ជាជីវៈ ដែលជាតម្រូវការធាក់ស្ដែងក្នុងទីផ្សារការងារ
។
លោកអភិបាលរងខេត្ត បានបន្តថា នៅលើពិភពលោកបាននិងកំពុងជួបនូវវិបត្តិជំងឺកូ វីដ-១៩ ធ្វើឱ្យមានផលប៉ះពាល់យ៉ាងខ្លាំង ដល់វិស័យពាណិជ្ជកម្មន សេវាកម្ម បណ្តាលឱ្យមានការធ្លាក់ចុះសេដ្ឋកិច្ចផងដែរ ។ លោកបានបន្ថែមថា ចំពោះករណីនេះវិបត្តិជំងឺកូវីដ-១៩នេះ អាជ្ញាធរខេត្តបានយកចិត្តទុកដាក់ខ្ពស់ក្នុងការអនុវត្ត សេចក្តីណែនាំរបស់រាជរដ្ឋាភិបាល និង ក្រសួងសុខាភិបាល មិនឱ្យមានឆ្លងរីករាលដាលនៅតាមសហគមន៍នោះឡើយ
។
ឯកឧត្តម Kupa Lopes ក៏បានបញ្ជាក់ពីគោលបំណង ក្នុងការបំពេញបេសកកម្មមក កាន់ខេត្តកណ្តាល គឺដើមី្បធ្វើការសិក្សាឈ្វេងយល់ និង ទទួលបាននូវបទពិសោធន៍ក្នុងវិស័យឧស្សាកម្ម សេវាកម្ម និងទេសចរណ៍របស់ខេត្តកណ្តាល ។ សំដៅយកទៅធ្វើការផ្សព្វផ្សាយជូនដល់ប្រជាពលរដ្ឋទីម័រខាងកើត ។ ម៉្យាងទៀតប្រទេសទីម័រ និងកម្ពុជា មានប្រវត្តិស្រដៀងគ្នា ដែលទើបនឹងបានឆ្លងផុតពីភ្លើងសង្រ្គាម ។ ឯកឧត្តម បានថ្លែងអំណរគុណដល់រាជរដ្ឋាភិបាលកម្ពុជា ដែលតែជួយគាំទ្រទីម័រខាងកើតឱ្យក្លាយជាសមាជិកទី១១របស់អាស៊ាន
។
ឯកអគ្គរដ្ឋទូត ក៏បានលើកផងដែរពីទំនាក់ទំនងរវាងកម្ពុជា និងទីម័រខាងកើត ដោយកម្ពុជាបានផ្តល់នូវក្តីស្រឡាញ់ជូនប្រទេសទីម័រទៀតផង ។ ពេលនេះក្នុងនាមប្រជាពលរដ្ឋទីម័រ សុំធ្វើការរៀនសូត្រពីខេត្តកណ្តាល ដែលមានភាពរីកចម្រើននាពេលកន្លងមក ។ ចំពោះបញ្ហាវិបត្តិជំងឺកូវីដ-១៩ បានធ្វើឱ្យមានការប៉ះពាល់ខ្លាំងតាមបណ្តាប្រទេសធំៗ តែចំពោះប្រទេស តូចៗ គឺមានវិធានការបង្កាទប់ស្កាត់បានល្អទៀតផង ។ ឯកឧត្តមអគ្គរដ្ឋទូត ក៏បានធ្វើការអញ្ជើញដល់ប្រតិភូខេត្តកណ្តាល ដើម្បីធ្វើទស្សនកិច្ចនៅប្រទេសទីម័រ ក្នុងការសិក្សាឈ្វេង យល់ ផ្លាស់ប្តូរនូវបទពិសោធន៍គ្នាទៅវិញទៅមក
។
ឆ្លើយតបក្នុងឱកាសនោះ អភិបាលរងខេត្តកណ្តាល លោក គីម រិទ្ធី ក៏បានគូសបញ្ជាក់ដល់ឯកឧត្តម ឯកអគ្គរដ្ឋទូតថា អាជ្ញាធរខេត្ត នឹងធ្វើការជ្រើសរើសពេលវេលាមួយដ៏សមគួរ ក្រោយពេលចប់វិបត្តិជំងឺកូវីដ-១៩ បានបាត់អស់ពីលើពិភពលោកយើងនេះនឹងធ្វើការរៀបចំគណៈប្រតិភូ បំពេញទស្សនកិច្ចផ្លាស់ប្តូរបទពិសោធន៍គ្នាទៅវិញទៅមក ក្នុងការផ្តល់នូវសេចក្តីស្រឡាញ់រវាងប្រទេសកម្ពុជា និង ទីម័រខាងកើត៕ 
