ព្រៃវែង ៖ ប្រភពពីប្រជាពលរដ្ឋក្នុងភូមិចាម ឃុំចាម ស្រុកកំពង់ត្របែក ខេត្តព្រៃវែង បានឲ្យដឹងថា ល្បែងសុីសងគ្រប់ប្រភេទបើកក្នុងកាស៊ីណូ ៣៣ នៅច្រកទ្វេភាគីព្រំដែនស្វាយអាង៉ោង ស្រុកកំពង់ត្របែក បើកអោយពលរដ្ឋខ្មែរ ចូលមកលេងល្បែងយ៉ាងគគ្រឹកគគ្រេងជារៀងរាល់ថ្ងៃ ផ្ទុយពីច្បាប់អនុញ្ញាត ។
ប្រមុខរាជរដ្ឋាភិបាលតែងក្រើនរំលឹកដល់កងកម្លាំងទាំងបីភេទនៅតាមបណ្តាខេត្ត ក្រុង ត្រួតពិនិត្យបន្ទាន់ជាប្រចាំនូវបនល្បែងសុីសងគ្រប់ប្រភេទហ្គេមអនឡាញ និងល្បែងជល់មាន់ខ្នាយដែក ល្បែងជល់មាន់តាមប្រព័ន្ធទូរទស្សន៍អនឡាញ បៀរ អាប៉ោង យូគីគ្រប់ប្រភេទ និងល្បែងជល់មាន់ខ្នាយដែក ទប់ស្កាត់និងបង្រ្កាបអោយខានតែបានគ្មានការលើកលែង។
ដោយឡែកល្បែងសុីសងគ្រប់ប្រភេទនៅក្នុងកាសុីណូ៣៣ នៅច្រកព្រំដែនស្វាយអាង៉ោងបើកអោយពលរដ្ឋខ្មែរចេញចូលលេងយ៉ាងគគ្រឹកគគ្រេងផ្ទុយពីច្បាប់អនុញ្ញាត ទៅវិញ។
ប្រជាពលរដ្ឋគោរពស្នើសុំដល់ ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង និងលោកឧត្តមសេនីយ៏ទោ ឈឿន ប៊ុនឆន ស្នងការដ្ឋាននគរបាលខេត្តព្រៃវែង មេត្តាចាត់មន្រ្តីជំនាញក្រោមឱវាទចុះស្រាវជ្រាវ ករណីកាសុីណូ ៣៣ ដែលបើកអោយពលរដ្ឋខ្មែរចូលលេងល្បែងសុីសងខាងលើនេះផង។
ជាពិសេសគោរពដល់ ឯកឧត្តម នាយឧត្តមសេនីយ៏ ស ថេត អគ្គស្នងការនគរបាលជាតិ មេត្តាជួយចាត់មន្រ្តីក្រសួងមហាផ្ទៃ ចុះត្រួតពិនិត្យទប់ស្កាត់និងបង្រ្កាបជាបន្ទាន់ផងទៀន។ ព្រោះថាម្ចាស់បនល្បែងសុីសង កាស៊ីណូ៣៣នៅច្រកទ្វេភាគីព្រំដែនស្វាយអាង៉ោងដែលកំពុងបើកអោយពលរដ្ឋខ្មែរចេញចូលលេងល្បែងដោយសេរីផ្ទុយពីច្បាប់អនុញ្ញាត ប្រហែលមានខ្នងបង្អែករឹងមាំ ហើយ ទើបហ៊ានធ្វើអ្វីៗតាមអំពើចិត្ត មិនញញើតច្បាប់ទាល់តែសោះ?។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សព្វផ្សាយទៅតាមវិជ្ជាជីវៈអ្នកសារព័ត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់មួលបង្កាច់ បង្ខូចបុគ្គល ស្ថាប័ន ឬអង្គភាពណាមួយឡើយ គោលបំណង់ចូលរួមក្នុងការថែរក្សា សុខសុវត្ថិភាព ជូនប្រជាពលរដ្ឋតែប៉ុណ្ណុះ យើងខ្ញុំរងចាំទទួលការបកស្រាយបំភ្លឺ ពីម្ចាស់កាសុីណូ និងស្ថាប័នពាក់ព័ន្ធ រៀងរាល់ម៉ោងធ្វើការ តាមច្បាប់ស្ដីពីរបបអ្នកសារព័ត៌មាននៅកម្ពុជា៕សូមអគុណ!
























