នាព្រឹកថ្ងៃទី ៣០ ខែតុលា ឆ្នាំ ២០២៦ ក្រុមការងារជំនាញនៃ មន្ទីរសាធារណការ និងដឹកជញ្ជូនខេត្តព្រះវិហារ បានបន្តសកម្មភាពយ៉ាងសកម្មក្នុងការចុះជួសជុល និងថែទាំផ្លូវជាតិលេខ ៩២ ស្ថិតក្នុងភូមិសាស្ត្រ ស្រុកឆែប ខេត្តព្រះវិហារ ដើម្បីឆ្លើយតបទៅនឹងតម្រូវការធ្វើដំណើរ និងលើកកម្ពស់សុវត្ថិភាពផ្លូវថ្នល់ជូនប្រជាពលរដ្ឋ។
នៅក្នុងប្រតិបត្តិការជួសជុលនាពេលនេះ ក្រុមការងារបច្ចេកទេសបានខិតខំប្រឹងប្រែងអនុវត្តការងារយ៉ាងយកចិត្តទុកដាក់ ដោយបានធ្វើការកៀរសម្រួល ថែមដីល្បាយថ្ម និងកិនបង្ហាប់យ៉ាងត្រឹមត្រូវតាមបទដ្ឋានបច្ចេកទេស នៅលើកំណាត់ផ្លូវជាតិលេខ ៩២ ត្រង់ចន្លោះគីឡូម៉ែត្រ គម ២៧+២០០ ដល់ គម ៥៤+០០០។
ការងារជួសជុលថែទាំផ្លូវជាប្រចាំនេះ គឺជាផ្នែកមួយនៃផែនការយុទ្ធសាស្ត្ររបស់ មន្ទីរសាធារណការ និងដឹកជញ្ជូនខេត្តព្រះវិហារ ក្នុងគោលបំណងធានាឱ្យបាននូវគុណភាពផ្លូវរឹងមាំ ប្រើប្រាស់បានយូរអង្វែង សម្រួលដល់ការដឹកជញ្ជូនកសិផល ទំនិញ និងកាត់បន្ថយគ្រោះថ្នាក់ចរាចរណ៍ ព្រមទាំងបង្កើនល្បឿននៃការធ្វើដំណើររបស់បងប្អូនប្រជាពលរដ្ឋក្នុងតំបន់ឱ្យកាន់តែមានភាពងាយស្រួល និងសុវត្ថិភាពខ្ពស់៕
























