សៀមរាប៖ឯកឧត្តម តាំង ជុងលី រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា លោកឧត្តមសេនីយ៍ត្រី សៀ ទីន មេបញ្ជាការ កងរាជអាវុធហត្ថខេត្តសៀមរាប និងជាប្រធានកិត្តិយស សមាគមក្លិបបាល់ទាត់ សៀមរាប យូណាយធីត និងឯកឧត្តម ម៉េត មករា ប្រធានសមាគមក្លិបបាល់ទាត់ សៀមរាប យូណាយធីត បានអញ្ជើញជាសហអធិបតី ក្នុងកម្មវិធីប្រកួតបាល់ទាត់ សប្បុរសធម៌ SRU CHARITY PRE-SEASON FOOTBALL CUP ដើម្បីរួមចំណែកជួយដល់មន្ទីរពេទ្យកុមារ អង្គរ ខេត្តសៀមរាប។
សមាគមក្លិបបាល់ទាត់ សៀមរាប យូណាយធីត បានរៀបចំការប្រកួត មិត្តភាពកីឡាបាល់ទាត់ SIEM REAP UNITED CHARITY PRE- SEASON CUP 2026 ដោយគោលបំណងដើម្បីរួមចំណែកក្នុងសកម្មភាពសប្បុរសធម៌ បង្កើនចំណងមិត្តភាព សាមគ្គីភាព និងការចូលរួមរបស់សាធារណជនក្នុងសកម្មភាពមនុស្សធម៌ ដើម្បីរួមចំណែកជួយឧបត្ថម្ភដល់ មន្ទីរពេទ្យកុមារអង្គរ ។
ជាពិសេស ការចូលរួមនេះនឹងជួយបំផុសស្មារតីសប្បុរសធម៌ និងការយកចិត្តទុកដាក់ចំពោះសុខុមាលភាពរបស់ កុមារ ព្រមទាំងជួយផ្សព្វផ្សាយវិស័យកីឡាបាល់ទាត់ និងវិស័យនានា នៅក្នុងខេត្តសៀមរាបផ្ទាល់ឲ្យកាន់តែមានប្រជាប្រិយភាព។
កម្មវិធីប្រកួតមានរយៈពេល ២ថ្ងៃ ចាប់ថ្ងៃទី២ ដល់ថ្ងៃទី៣ ខែតុលា ឆ្នាំ២០២៦ ទីតាំងស្ថិតនៅមជ្ឈមណ្ឌលហ្វឹកហាត់ កីឡាដ្ឋាន អេស អរ យូ ភូមិប្រិយ៏ ឃុំខ្នារសណ្ដាយ
ស្រុកបន្ទាយស្រី ខេត្តសៀមរាប ។
សមាសភាពចូលរួមប្រកួតមាន ៤ ក្រុម៖
1.Siem Reap United (ម្ចាស់ផ្ទះ)
2.Lion King FC
3.Chheu Tom Pusat FC
4.Phnom Penh City FC
រសៀល ថ្ងៃសុក្រ ទី២ ខែតុលា ឆ្នាំ២០២៦៕
