អាជ្ញាធរខេត្តកណ្តាល គ្រោងបើកយុទ្ធនាការទ្រង់ទ្រាយធំ ចាក់វ៉ាក់សាំង ជូនពលរដ្ឋទូទៅ និងបងប្អូនកម្មករ តាមរោងចក្រនានា ទូទាំងខេត្ត នៅថ្ងៃទី១០មិថុនា ខាងមុខនេះ

កណ្ដាល៖ ថ្ងៃពុធ ១៤ ខែជេស្ឋ ឆ្នាំឆ្លូវ ត្រីសក័ ពុទ្ធសករាជ ២៥៦៤ ត្រូវនឹងថ្ងៃទី៩ ខែមិថុនា ឆ្នាំ២០២១
។
តាមការគ្រោងទុកអនុគណៈកម្មការចំពោះកិច្ច ចាក់វ៉ាក់សាំងក្នុងក្របខណ្ឌទូទាំងខេត្តកណ្តាល និងចាប់ផ្តើមបើកយុទ្ធនាការ ចាក់វ៉ាក់សាំង ទ្រង់ទ្រាយធំ ជូនប្រជាជនទូទៅ និងបងប្អូនកម្មករ កម្មការិនី នៅតាមរោងចក្រនានា នៅទូទាំងខេត្ត នៅថ្ងៃទី១០មិថុនាខាងមុខនេះ
។

បើយោងតាមប្រសាសន៍ របស់ ឯកឧត្តម គង់ សោភ័ណ្ឌ អភិបាលខេត្ត និងជាប្រធានគណៈបញ្ជាការឯកភាព ខេត្តកណ្តាល បានលើកឡើង ក្នុងកិច្ចប្រជុំគណៈបញ្ជាការឯកភាព រដ្ឋបាលខេត្ត ប្រចាំខែឧសភា ដែលធ្វើឡើង នៅសាលាខេត្ត តាមរយះប្រពន្ធ័ Online Video Zoom នារសៀលថ្ងៃទី០៨មិថុនានេះ
។

កិច្ចប្រជុំ គណះបញ្ជាការឯកភាព រដ្ឋបាលខេត្ត ប្រចាំខែឧសភា មានរបៀបវារះជាច្រើន បានលើកយកមកពិនិត្យ ពិភាក្សា ដើម្បីអនុម័ត ដាក់ផែនការសំរាប់អនុវត្ត នាខែមិថុនាខាងមុខ ពាក់ពន្ធ័ការពារសន្តិសុខ ថែរក្សាសុវត្តិភាព សណ្តាប់ធ្នាប់សាធារណៈជូនប្រជាពលរដ្ឋ និង ពង្រឹងលើវិធានការបង្កាប និងទប់ស្កាត់ឲ្យតឹងរឹង ចំពោះបទល្មើសនានា តាមបណ្តាក្រុង-ស្រុក នៅទូទាំងខេត្ត
។

ថ្លែងនៅក្នុងកិច្ចប្រជុំ ឯកឧត្តម អភិបាលខេត្ត បានស្នើឲ្យអាជ្ញាធរ គ្រប់មូលដ្ឋានក្រុង-ស្រុក និងមន្ត្រីពាក់ព័ន្ធទាំងអស់ ត្រូវត្រៀម រៀបចំទីតាំងអោយបានរួចរាន់ សម្រាប់ចាក់វ៉ាក់សាំង និងធ្វើប័ណ្ណអញ្ជើញ ប្រជាពលរដ្ឋមកចាក់វ៉ាក់សាំង ឲ្យបានទាន់ពេលវេលា
។

ជាមួយគ្នានោះ គឺអាជ្ញាធរមូលដ្ឋាន ត្រូវត្រៀមកម្លាំង ការពារសន្តិសុខ រៀបចំ សណ្ដាប់ធ្នាប់ របៀបរៀបរយ ក្នុងពេលចាក់វ៉ាក់សាំង ឲ្យបានល្អប្រសើរ ដោយរៀបចំកន្លែងស្នាក់នៅ និងផ្គត់ផ្គង់ម្ហូបអាហារប្រចាំថ្ងៃ ជូនក្រុមគ្រូពេទ្យអោយបានសមរម្យ និងគ្រប់គ្រាន់
។

ឯកឧត្តមអភិបាលខេត្ត បានបញ្ចាក់ថា៖យុទ្ធនាការចាក់វ៉ាក់សាំង នៅទូទាំង១១ ក្រុង-ស្រុក នាពេលខាងមុខនេះ រដ្ឋបាលខេត្ត បានត្រៀមក្រុមគ្រូពេទ្យ ចំនួន ៧០០នាក់ ស្មើនឹង ៧០ក្រុម ហើយគ្រោងនឹងបន្ថែមក្រុមគ្រូពេទ្យបំរុង ចំនួន ១.៨០០ នាក់ទៀត ដើម្បីធ្វើឲ្យយុទ្ធនាការការចាក់វ៉ាក់សាំង លើកនេះ ប្រព្រឹត្តទៅប្រកបដោយភាពរលូន ឆាប់រហ័ស និងទាន់ពេលវេលា ជូនប្រជាពលរដ្ឋ៕