កម្លាំងកងរាជអាវុធហត្ថខេត្តសៀមរាប បានធ្វើការឃាត់ម្ចាស់រថយន្តចំនួន០១គ្រឿង ដែលបានកែច្នៃបំពង់ស៊ីម៊ាំង បង្កឲ្យមានសម្លេងរំខានដល់ប្រជាពលរដ្ឋ និងបង្កឲ្យបាត់បង់សណ្ដាប់ធ្នាប់សាធារណ: យកមកអប់រំ និងណែនាំឲ្យដោះស៊ីម៊ាំងចេញ ។
ការបង្រ្កាបរថយន្តចំនួន០១គ្រឿង ម៉ាក PRIUS ពណ៌ស ពាក់ស្លាកលេខ សៀមរាប 2D-3877 ត្រូវបានកម្លាំងជំនាញកងរាជអាវុធហត្ថខេត្តសៀមរាប ធ្វើការឃាត់ នៅចំណុចភូមិគ្រួស សង្កាត់ស្វាយដង្គំ ក្រុងសៀមរាប ខេត្តសៀមរាប។
បន្ទាប់ពីបានអប់រំរួច កម្លាំងជំនាញកងអាវុធហត្ថខេត្តសៀមរាប បានណែនាំម្ចាស់រថយន្ត ឲ្យដោះបំពង់ស៊ីម៊ាំងកែច្នៃចេញ ហើយបំពាក់បំពង់ស៊ីម៊ាំងធម្មតាវិញ និងធ្វើកិច្ចសន្យាបញ្ឈប់ការកែច្នៃបំពង់ស៊ីម៉ាំងរថយន្តខុសលក្ខណៈបច្ចេកទេស បង្កការរំខានដល់សាធារណ:ជនតទៅទៀត។
បច្ចុប្បន្ន៖ ម្ចាស់រថយន្តបានធ្វើកិច្ចសន្យាឲ្យត្រលប់ទៅលំនៅដ្ឋានវិញ ចំណែករថយន្តរក្សាទុកនៅបញ្ជាការដ្ឋានកងរាជអាវុធហត្ថខេត្តសៀមរាប។
