ថ្ងៃអាទិត្យ ២រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ០១ ខែ តុលា ឆ្នាំ ២០២៣ ជនសង្ស័យប្រុស-ស្រីចំនួន០៦នាក់ត្រូវបានសមត្ថកិច្ចនគរបាលនៃអធិការដ្ឋាននគរបាលស្រុកលើកដែកធ្វើការឃាត់ខ្លួនពាក់ព័ន្ធ៖ករណី៖ជួញដូរ រក្សាទុក និង ប្រើប្រាស់ដោយខុសច្បាប់នូវសារធាតុញៀន
+កើតហេតុៈ ថ្ងៃទី៣០ ខែ កញ្ញា ឆ្នាំ ២០២៣ វេលាម៉ោង ២០.៣០ នាទីយប់
+នៅចំណុច៖ ផ្ទះឈ្មោះ អឿន ស្ថិតក្នុងភូមិកំពង់ពោធិ៍ ឃុំកំពង់ភ្នំ ស្រុកលេីកដែក ខេត្តកណ្តាល។
*ជនសង្ស័យ០៦នាក់៖
១-ឈ្មោះ ថាន ធូ ភេទប្រុស អាយុ ៣០ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល មានសារធាតុញៀនក្នុងទឹកនោម (ឃាត់ខ្លួន)។
២.ឈ្មោះ ផាត សុភាព ហៅ លឹប ឬ តឹង ភេទប្រុស អាយុ ១៧ឆ្នាំ ជនជាតិខ្មែរ មុខរបរមិន ពិតប្រាកដ មានទីលំនៅភូមិកំពង់ពោធិ៍ ឃុំកំពង់ភ្នំ ស្រុកលើកដែកខេត្តកណ្តាល មានសារធាតុញៀនក្នុងទឹកនោម (ឃាត់ខ្លួន) ។
៣.ឈ្មោះ ជឿន សុផានិត ហៅ(ត្រី) ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិ កំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល មានសារធាតុញៀនក្នុងទឹកនោម (ឃាត់ខ្លួន)។
៤.ឈ្មោះ ណាក់ ខួច ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិ កំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាលមានសារធាតុញៀនក្នុងទឹកនោម (ឃាត់ខ្លួន)។
៥.ឈ្មោះ គង់ ចិន ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិ កំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាលមានសារធាតិញៀនក្នុងទឹកនោម (ឃាត់ខ្លួន)។
៦.ឈ្មោះ ហៃ គឹមលីន ភេទស្រី អាយុ ៣០ឆ្នាំ ជនជាតិខ្មែរ មុខរបរកសិករ មានទីលំនៅ ភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល គ្មានសារធាតុញៀនក្នុងទឹកនោម (ឃាត់ខ្លួន) ។
* វត្ថុតាងចាប់យក៖
១.ថ្នាំញៀនប្រភេទមេតំហ្វេតាមីន (ម៉ាទឹកកក)១១កញ្ចប់ ស្មើនឹង ១២,៨៣ ក្រាម
២.ជញ្ជីងថ្លឹងថ្នាំញៀនចំនួន០១
៣.ទូរស័ព្ទដៃចំនួន ១០គ្រឿង (ម៉ាក iphone ០២គ្រឿង,ម៉ាក oppo ០២គ្រឿង,ម៉ាក RealMe ០២គ្រឿង,ម៉ាក Sumsung ០២គ្រឿង,ម៉ាក NokiA ០១គ្រឿង និង ម៉ាក HuaWei គ្មានអេក្រង់០១គ្រឿង )
៤.លុយខ្មែរ ចំនួន ៧០០.០០០៛(ចិតសិបម៉ឺន)រៀល,លុយដុល្លា ០២(ពីរ)ដុល្លា,លុយកូរ៉េ ៦.០០០(ប្រាំមួយពាន់)វ៉ុន
៥.ដាវដែក ០២ដើម , កាបូប ០២ , ប្រអប់ជ័រខ្មៅ ០១,ដែកកេះ ០៥ និង
សម្ភារ:វិចខ្ចប់ ប្រើប្រាស់ថ្នាំញៀនមួយចំនួន ។
*សភាពរឿងហេតុ៖
នៅយប់ថ្ងៃទី៣០ ខែកញ្ញា ឆ្នាំ២០២៣ តាមការផ្តល់ព័ត៌មានពីប្រជាពលរដ្ឋល្អ ថាមានការចែកចាយគ្រឿងញៀន នៅចំណុចផ្លូវរទេះ ស្ថិតក្នុងភូមិកំពង់ពោធិ៍ ឃុំកំពង់ភ្នំ ភ្លាមនោះ ប៉ុស្តិ៍រដ្ឋបាលកំពង់ភ្នំ បានរាយការណ៍ ទៅផ្នែកជំនាញប្រឆាំងបទល្មើសគ្រឿងញៀនស្រុក និងបានសហការជាមួយកម្លាំងអន្តរាគម ចុះទៅដល់ទីតាំង ផ្ទះ ឈ្មោះ អឿន ក៏បានឃើញក្រុមជនសង្ស័យដែលពលរដ្ឋរាយការណ៏ កំពុងអង្គុយ ផឹកស្រាជុំគ្នា ០៣នាក់ និង០២នាក់ទៀត ដេកនៅលើផ្ទះភ្លាមនោះកម្លាំងសួរនាំ និង ត្រួតពិនិត្យឃើញមានម្សៅក្រាមសថ្លាសង្ស័យថ្នាំញៀនប្រភេទម៉ាទឹកកកចំនួន០៣កញ្ចប់នៅក្នុងមួក និង ចំនួន០៤កញ្ចប់ទៀតនៅក្នុងប្រអប់ខ្មៅលាក់ក្នុងកាបូបយួពណ៌ខ្មៅ ដាវដែចំនួន០២ដើម បន្ទាប់មកសមត្ថកិច្ចក៏បាននាំខ្លួនជនសង្ស័យរួមទាំងវត្ថុតាងបញ្ជូនមកអធិការដ្ឋាន ពេលមកដល់អធិការដ្ឋានកម្លាំងជំនាញបានរកឃើញម្សៅក្រាម០១កញ្ចប់នៅក្នុងកាបស្ពាយ និង ០១កញ្ចប់ទៀតនៅក្នុងហោប៉ាវខោរបស់ឈ្មោះ ផាត សិភាព ហៅលឹប ឬ ហៅតឹង ។ ក្រោយការសាកសួរបឋមកម្លាំងបានព័ត៌មានជាក់លាក់ថា ម្សៅក្រាមទាំងនោះជាថ្នាំញៀនប្រភេទម៉ាទឹកកក មានប្រភពមកពីឈ្មោះ ថាន ធូ បន្ទាប់មកកម្លាំងផ្នែកជំនាញបានរាយការសុំយោបល់ពីលោកអធិការនគរបាលស្រុក ស្នើសុំធ្វើការឆែកឆេរផ្ទះជនសង្ស័យឈ្មោះ ថាន ធូ ដោយបានការអនុញ្ញាតិពី លោក ហោ លីណា ព្រះរាជអាជ្ញារង អមសាលាដំបូងខេត្តកណ្តាល កម្លាំងបានធ្វើការឆែកឆេររកឃើញម្សៅក្រាមសថ្លាចំនួន ០២កញ្ចប់ ជញ្ជីងថ្លឹងថ្នាំញៀន០១គ្រឿង និងថង់ច្រកថ្នាំញៀនមួយចំនួននៅក្នុងពាងទឹក ក្នុងបន្ទប់ទឹក រួមទាំងរកឃើញវត្ថុតាងពាក់ព័ន្ធបទល្មើសមួយចំនួន បន្ទាប់មកកម្លាំងបានចាប់យកវត្ថុតាង និង ជនសង្ស័យពាក់ព័ន្ធមកអធិការដ្ឋានដើម្បីបន្តនីតិវិធី ។
ក្រោយការសាកសួរជនសង្ស័យទាំង៦នាក់បាន បានសារភាពតាមហេតុផលនៃស្ថានភាពល្មើសរៀងៗខ្លួន ។
ករណីនេះផ្នែកជំនាញកំពង់បន្តកសាងសំណុំរឿងតាមនីតិវិធី ។
ក្រុមការងារព័ត៏មាននិងប្រតិកម្មរហ័អធិការដ្ឋាននគរបាលស្រុកលើកដែក
