ខេត្តមណ្ឌលគិរី៖ជនសង្ស័យរំលោភក្មេងស្រី អាយុក្រោម១០ឆ្នាំម្នាក់ ត្រូវបានសមត្ថកិច្ចឃាត់ខ្លួនបាន នៅថ្ងៃទី២៣ ខែមិថុនា ឆ្នាំ២០២៣ នៅវេលាម៉ោង១៤.៣០នាទី នៅចំណុចដីស្រែត្រពាំងកកោះ ស្ថិតនៅភូមិមេមុំ ឃុំរយ៉ ស្រុកកោះញែក ខេត្តមណ្ឌលគិរី។
សមត្ថកិច្ចឱ្យដឹងថា កម្លាំងស្នាក់ការសន្តិសុខ763 បានសហការជាមួយកម្លាំងប៉ុស្គិ៍ នគរបាលឃុំរយ៉ ស្រុកកោះញែក បានឃាត់ខ្លួនជនសង្ស័យមានឈ្មោះ អ៊ន វ៉ា អាយុ៣៩ឆ្នាំ ជនជាតិខ្មែរ មានស្រុកកំណើត ភូមិព្រែកចំលាក់ ឃុំព្រែកចំលាក់ ស្រុកកជោ ខេត្តក្រចេះ ទីលំនៅបច្ចុប្បន្ន នៅភូមិមេមុំ ឃុំរយ៉ ស្រុកកោះញែក ខេត្តមណ្ឌលគិរី ។ ចំណែកក្មេងស្រីជនរងគ្រោះអាយុ៤ឆ្នាំ។
បច្ចុប្បន្នជនសង្ស័យបានបញ្ជូនទៅ អធិការដ្ឋាន នគរបាល ស្រុក កោះញែកដើម្បីបន្តវីធីតាមច្បាប់ រីឯ កុម៉ារី រងគ្រោះសំរាកនៅមន្ទី ពេទ្យបង្អែកស្រុក កោះញែក៕ 
