នារាត្រីថ្ងៃទី៣០ ខែធ្នូ ឆ្នាំ២០២២
ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន និងលោកជំទាវ ឯកឧត្តមបណ្ឌិត ជាម ចន្ទ័សោភ័ណ អភិបាល នៃគណៈអភិបាលខេត្តត្បូងឃ្មុំ និងលោកជំទាវ បានអញ្ជើញជាអធិបតីបើកព្រឹត្តិការណ៍ នៃការប្រកួតកីឡាប្រដាល់ «Krud គុនខ្មែរ» ដែលបានប្រារព្ធធ្វើឡើងនៅមុខសាលា ខេត្តត្បូងឃ្មុំ រយៈពេល៣ យប់ ៣ថ្ងៃ ចាប់ពីថ្ងៃទី៣០ , ៣១ ខែធ្នូ ឆ្នាំ ២០២២ និង ថ្ងៃទី០១ ខែមករា ឆ្នាំ ២០២៣ ដោយមានកីឡាករ ខ្មែរ ថៃ ឡាវ ចំនួន ៤០ រូប ធ្វើការប្រកួត ដណ្តើមពានរង្វាន់ Krud គ្រុនខ្មែរ ។
ឯកឧត្តម បណ្ឌិត ជាម ចន្ទ័សោភ័ណ ក្នុងនាមអាជ្ញាធរដែនដីខេត្តត្បូងឃ្មុំ បានសំដែងនូវការរីករាយ ដោយមានមានកិត្តិយសវត្តមាន ឯកឧត្តម រដ្ឋមន្ត្រី ខៀវ កាញារីទ្ធ និងលោកជំទាវ អញ្ជើញមកចូលក្នុងព្រឹត្តិការណ៍ នៃការប្រកួតកីឡាប្រដាល់ «Krud គុនខ្មែរ» ហើយជាមួយនេះក៏ឃើញមានការមកចូលរួមទស្សនាយ៉ាងច្រើនកុះករ ពីសំណាក់បងប្អូនប្រជាពលរដ្ឋ ដែលជាការបង្ហាញពីការស្រលាញ់គាំទ្រ វិស័យកីឡាប្រដាល់គុនខ្មែរ ដែលកំពុងមានការរីកចំរើន ហើយជាមោទនភាពដែរនោះ គឺក្នុងរយៈប៉ុន្មានថ្ងៃមកនេះ កីឡាករខ្មែរយើងបានធ្វើការប្រកួតឈ្នះកីឡាករល្បីប្រចាំប្រទេសថៃថែមទៀតផងដែរ ។
ឯកឧត្តម រដ្ឋមន្ត្រី ខៀវ កាញារីទ្ធ បានថ្លែងអំណរគុណ និងកោតសរសើរចំពោះអាជ្ញាធរខេត្តត្បូងឃ្មុំ ដែលបានរៀបចំតុបតែង ទេសភាព ហេដ្ឋារចនាសម្ពន្ធ័ បានយ៉ាងស្រស់ស្អាត ដើម្បីចូលរួមរៀបចំបានការប្រកួត កីឡាប្រដាល់ Krud គុនខ្មែរ នេះឡើងយ៉ាងសប្បាយរីករាយ ។
ឯកឧត្ដមរដ្ឋមន្ត្រី ខៀវ កាញារីទ្ធ បានថ្លែងអំណរគុណ និងកោតសរសើរចំពោះអាជ្ញាធរខេត្តត្បូងឃ្មុំ ដែលបានរៀបចំតុបតែង ទេសភាព ហេដ្ឋារចនាសម្ពន្ធ័ បានយ៉ាងស្រស់ស្អាត ដើម្បីចូលរួមរៀបចំបានការប្រកួត កីឡាប្រដាល់ Krud គុនខ្មែរ នេះឡើងយ៉ាងសប្បាយរីករាយ ។
ឯកឧត្តម រដ្ឋមន្ត្រី បានជម្រាបជូនថា ព្រឹត្តិការណ៍ Krud គុនខ្មែរ នេះនឹងរៀបចំធ្វើឡើង ២៥ ខេត្ត ក្រុង ដែលមានកីឡាករប្រដាល់ ឡាវ និងថៃ មកចូលរួមប្រកួតផងដែរ ។
ទាក់ទងវិស័យកីឡាប្រដាល់ នេះ ឯកឧត្តម ខៀវ កាញារីទ្ធ បានបញ្ជាក់ថា ការប្រកួត មានឈ្នះ មានចាញ់ ដូចក្រសួងអប់រំ បានលើកឡើងនៅពេលប្រឡងថា អ្នកចេះ គឺជាប់ ដូចនៅក្នុងការប្រកួតប្រដាល់នេះដែរ អ្នកពូកែ គឺឈ្នះ ហើយយើងអ្នកទស្សនាសូមទះដៃ ទោះខ្មែរយើងឈ្នះ ឬបរទេសឈ្នះក៏ដោយ ព្រោះក្នុងការប្រកួតកីឡា សំខាន់យកបច្ចេកទេស ។ ដូច្នេះសម្រាប់ការប្រកួតនេះ ក៏ជាការហ្វឹកហាត់កីឡាករខ្មែរយើង ដើម្បីពង្រឹងសមត្ថភាព បច្ចេកទេស ឈានទៅចូលរួមប្រកួតក្នុងកីឡាសុីហ្គេម ដែលកម្ពុជាធ្វើជាម្ចាស់ផ្ទះ នាឆ្នាំ២០២៣ ខាងមុខនេះ ។
